Shanram chaklei 1027 Operation kahdohnak a ni 10nak tiang ah SAC ralkap sakhan 120 leng an laak khawhnak kong cu chaklei hriamtlai phu unau 3 nih an thanh. Nihin November 5, 1027 Operation kahdohnak ni 10 chung ah hriamtlai phu unau thum hna nih a biapi deuhmi SAC ralkap sakhan ngan pawl le sakhan fa deuhmi pawl, ukhruainak zung sakhan hna le an kuttang Pyituhsit sakhan a zate fonh (120) leng cu an laak khawh, cu chung ah cun Moekoe pengkomh Shiauhchinyu hmunram.
SAC ralkap sakhan zong aa tel i raldohnak Tank, Hongwizzer hriamngan, vanlawng kahnak hriamngan le ralkap hmanmi hriamnam tam ngai zong an laak khawh, cu sakan laak kahdohnak ah cun minute 10 hmanh rau lo in an laak khawh, tiah theih a si. Nizan November 4, ni khat chung ah Kokang ralkap MNDAA le Rakhine ralkap AA pawl nih Kokang pengkomh Moekoe hmunram SAC ralkap sakhan 8 nak tlawm lo an laak khawh.
Thawng dang relchap- MAH Nih SAC Ralkap Chung Ah Thinphang Dirhmun (emergency) A Thanh, Zungṭhu Ralkap Hna Zong Ralhmai Kal Dingin Nawl A Chuah, TNLA nih an hawile bawmh dingin a ra mi SAC ralkap mawṭaw palai le hriamnam an lakchap, Shan ramkulh chaklei kahdohnak ah miphun ralkap ralkap hna nih SAC sakhan le an uk mi khuapi hna cu an lak thluamah tikah MAH nih SAC ralkap chung ah thinphang dirhmun (emergency) a thanh i zungṭhu ralkap hna zong ralhmai ah kal dingin nawl a chuah cang tiah theih a si.
October 27 in thawk mi 1027 Operation cu nikhat hnu nikhat an hlawh a tling i SAC ralkap sakhan 106 an lak pin ah khuapi pali zong an lak khawh cang. Hriamnam an lak mi lebang cu a tam tuk ca ah cazin lak hmanh a har tiah MNDAA nih an thanh. 1027 Operation thawngpang nih MAH cu lungrethei in a tuah caah SAC ralkap chung ah thinpang dirhmun a thanhnak hi a si tuan deuh ah khan cun zungṭhu ralkap hna hi a caan caan lawng ah ralhmai ah thlah an si.
Atu cu zungṭhu ralkap an dihlak in ralhmai kal dingin an timhtuah cang hna. Ralkap sianginn Defense Service Academy (DSA) ah a ṭuan mi cawnpiaktu ralbawi hna zong an luat lo, timhcia tein um ding ah nawl pek an si cang. An zatein ralhmai kal ding ni le caan lawng an hngak ko. Kal dingin nawl cu an chuah cang” tiah DSA, Pyin Oo Lwin i rianṭuantu pakhat nih Khit Thit Media ah a chim. Shan ramkulh chaklei ah an hawile bawmh dingin mawṭaw pali he a ra mi.
SAC ralkap hna cu TNLA nih lampi ah an kah hna i an mawṭaw cu a pali in an lak pin ah hriamnam zong an lakchap. Tuzing ṭhiamṭhiam ah Nanmatoe Pantapi khua i SAC ralkap sakhan cu TNLA nih an lak tiah theih a si. Nov 5, zinglei ah TNLA nih an lak mi SAC ralkap sakhan, mawṭaw le hriamnam.
Leave a Reply