A Bik In Australia Um Chinmi Caah

By- Sang Hre: Australia kan Chin mipi caah theih tha a si ko rua.Chin upa pakhat nih rammisinak nan sok tik i identity documents an in hal hna ahcun nan family doctor (GP) le nan fa le sianginn kai nak hna nih Chin mi an si ko tiah ca an tial piak hna seh law Dept of Immigration le Citizenship nih an cohlan ko lai tiah a Facebook cungah a tial.

Cu caah kan nih innchungkhar zong citizenship cu kan sok ve le documents cu hal kan ton ve caah mah Chin upa chim ning te cun kan GP le kan fa le sianginn kainak ah Chin miphun kan si ko ti mi ca cu kan tial ter hna. Department of Home Affairs ah mah ca cu kan ap. A rau bak loh. A hmai zarh bak ah ca a kan leh colh. Mah bantuk ca hi cu kan in hal bal tung hna lo.

Hi ka ram um mi nih mah bantuk ca an tial awk a si lo. Kawlram mi nan sinak a langhter kho tu – Kawlram lei in nan innthawngsuh cazin le hmetpungtin tbk pei kan in hal ko hna cu tiah a kan ti le kan lau tuk. A pingpalo thil kan tuah cang ruah tiah a lungre thei ngai mi chungkhar hna nih an ka chonh biak pah chin lengmang.

Cozah policy le phungphai kalning kan theih tung lo ahcun a hman lo mi ruahnak hi chim rel hrim hna hlah uh sih law a tha. A ho nih a tial ti ka thei lo. Rammisinak sok tikah hi ka ram family doctor le siang inn cachim saya/mah te sin in catial piak cu Cozah policy ah a um lo mi a si. Hi hnu hmailei zongah a um awk a si hrim lo.

Note: A tuah cia le a tuah lai ding mi nan um sual ahcun mah btk GP le nan fa le school sin in ca tial ter hi a hau lo mi a si. Nan tial ter cang hna zongah ap a hau lo mi a si.