Khah a bik in pa caah si rak ngai ve hrimhrim,india ram Delhi um chin/lai mi nih bochan taktak mi le ngan damnak lei zong ah bohan taktak mi Dr. Pari nih pa ta tha thi tein a dir kho lo mi hna caah siaher nak he a rak chim mi video hi rak zoh ngai ve, Mah a link hi /pariclinic/videos/94 te hi hmeh click piak law a video na zoh khawh lai.
Thawng pang dang relchap; Mizoram ah COVID-19 in Chinmi 2 an Nunnak a Liam Than, Mizoram ah Chinmi nu pahnih COVID-19 in an nunnak a liam tthan, tiah thawng kan theih. Nizan May 22 chun hnu sml. 2:50 ah Pi Tawk Tial (kum 63) cu Zoram Medical College ah COVID-19 zawtnak in a nunnak a liam.
Pi Tawk Tial hi Myanmar ram lei in Mizoram ah pum zawtnak i thlop ding in a rami a si, tiah Mozoram thawngzamhnak pawl nih an langhter. Mikhual a si hmanh ah Mizoram ah a nunnak a liammi a si caah Aizawl khua, Electric sang nih nihin ah a ruak ttha tein vuinak an tuahpiak.
Pi Tawk Tial hi Lung zawtnak le Khuhrin zawtnak a ngeimi zong a si, tiah DIPRMizoram nih a langhter. Cun, nihin May 23, zaanlei sml. 3:00 ah Myanmar ralzam Pi Tha Tin Kip (kum 49) cu Zoram Medical College ah COVID-19 zawtnak in a nunnak a liam ve.
Pi Tha Tin Kip hi Myanmar ah SAC ralhrang nih uknak an chuh hnu in Kalaymyo, Tahan in Mizoram ah a zaammi a si. COVID-19 zawtnak a ngeih pin ah a kal zong a ttha lo, tiah DIPRMizoram nih a langhter.
Naite zong ah Mizoram ah a zaammi Thantlang nu pakhat COVID-19 in a nunnak a rak liam cang. Mizoram ah COVID-19 zawtnak a karh chin thluahmah caah thaizing May 24 in May 30 tiang Total Lockdown tuah ding in thawng an thanh.Crd-The Chin Journal
Leave a Reply