Vawlei cungmi hi i daw peng hna usih law a tha tuk lai ee. Aa nuam kho peng le tlam a tling peng le a hlei in mi hmai ah a cuang tawn mi khi, a ngeih chia kho lo ah kan ruah tawn hna. Thinhunnak, hakkauhnak le hnahchuahnak te hna nih kan thinlung a veen tuk caah mi dawt khawhnak thinlung kan ngei lo.
Na huatmi pakhat, na rem lo mi pakhat khi a ngeih a chiatttuk lio te ah hei hmu law cu na lung an thlen men lai ee. Harnak a tong lomi kan um lo, a ngeihchia lo kho kan um lo. Cucaah, aa daw ding lawngte kan si. Mi ramdang um hi a caan caan ah cun ahar ko – Abik in Singapore ummi kan laimi sin um in rian a ttuan mi – mi har sa Malay ah ni lin lak, rianhraang a ttuan mi le Delhi ram ah inn lo le rawl lo tiang in a um -chungkhar caah tiin lung re a thei mi caah thlacam philh hna hlah usih.
Kong ceih le bia tuah hna hi cu in din hna usih. Ka ruat tawn, cheukhat cu kan harsat le sifah ko buin mi harsa le mi sifak a nih sawh mi kan um. Kan tlin le kan tlaak lo bu ah midang kan thlaak chinchin ve hna. A niam deuh le a saang deuh tiin tahnak mit kan ngei. Arum le a saang ngai in kan i phozar tawn. Mah le mah i hlen si i, mi zaangfak ngai kan si.
Aho poh hi, a rual in i hmu hna usih. I daw hna usih. Thla i cam piak hna usih lawI zoh khenh peng hna usih. Vawlei mi men kan si lo. Khrihfa kan si – i dawt hi kan i harh ding si lo. Kan Uunu Sui Bo video in thazaang tampi ka la. Ka mit a ka auter cun ka thinlung a tthanghter. Mi tampi sin ah hibantuk feelings hrawmh hi ahartuk. Soisel le biaduh lak ah. Nain ma raaltha bak kan faktuk Bawipa nih in umpi zungzaal ko seh! Kan lawmhpi tuk fawn.Credit; Van Hlei Sung.
Leave a Reply