Nihin Van Hlei Sung nih CNLD hla a sakmi cu a tha lawlaw. Ngaih cim lo bak a si ko. Hla min cu, ‘Tizut lo Dir Ṭi Caan Cu Riangmang Lo Maw’ ti si. Hlaphantu Lai Ram Hu, Ringawn tumtu 3 Amen, Mixing ah Mangku, Director ah amah Van Hlei Sung pumpak le a chuahpiaktu Van Roland an si. Hi hla he Van Hlei Sung nih a YouTube Channel ah an lunglawmhnak cu a tanglei bantukin an langhter chih.
Lunglawmhnak: Hi hla chuahkhawhnak dingah a lamkip in thazaang a chuahtu hna nan dihlak cungah lunglawmhnak tampi kan ngei. Chin miphun a dawtu dihlak cung ah le CNLD thazaang petu dihlak cung ah lunglawmhnak tam pi kan ngei.
Video zohnak;
CNLD KAN TLIN AHCUN CHINRAM FINGTLANG VIALTE VAILAMTAH KHAT KO IN KAN PHUN DIH LAI” ( David Ngai Sak)
Chinram nih kan herh bikmi hi vanlamtah a si hnga msw? ti ruah ding a um. NLD cozah an kai kate 2016 lio ah khan a si. Chin State cozah nih Pu Lian Luai ho in biaceihnak an thok hlan ah Bible relnak le thlacamnak in caan an rak hmang hna.Hi hnu zongah mah tihin pehzulh peng kan i zuam lai an rak ti.
Asinain soiselnak a rak tam ngai ngai. Chinram hi Khrihfa ka si dih lo caah biaknak dangdang a biami zong tampi an um ve caah mah ti hi thilti cu Religious Discrimination (biaknak dang namnehnak) asi tiah phung thiam aa timi pawl le human rights biapi ah aa chiahtermi (Chin) Democrates pawl nih an rak soisel tuk ruangah pehzulh thai loin an rak i ngol diam.
A poi khawhning cu an thiltimi kha a rak i dawh tuk hringhran. Chinram ah Khrihfa ziaza an rak langhter khi a si. Mah cu lio i a rak soisel ngaitu human rights e cu phung kha phung e a timi pawl nih atu ahcun mipi lemsoinak ah kanmah nan kan vote bak ahcun Chinram khat in vailamtah kan bunh dih lai ti asi hoi cang. Zei cu dah human rights cu si ne hnga?
Zei bik cu dah Religious Discrimination cu si ne hnga tiah ruah ding tampi a um.Chinram ah an saduhthah bang cozah cu hei tlai tak tak hna selaw an hei tuah tak tak te hnga maw? An tuah tak tak asi ko ahcun kum nga chungah zei dang a biapi deuhmi tuahnak caah um dawh si ti hnga loh.
Chinram budget vialte zong zei dangah hmang ti loin vailamtah tuahnak ah hman dih dawh asi cang hnga. Vailamtah cu maw Chinmi nih kan herh bikmi thil cu asi hnga? Chin State cabinet meeting an thut zongah vailamtah kong lawngte an hei ceih hnga, hluttaw meeting zongah mah cu bak si hoi hnga.
Kum nga a von dih cun “Laimi kan lo ko” hei ti cio si hnga. Fakpi khuaruat rih hna u sih.A chim thiam poh zumh ding an si hnga lo. Ram caah a takin a tuahtuan khotu mi zeidah/zei party dah si hnga ti ruat rih hna usih. Vailamtah cu a biapi ko nain amah Jesuh Khrih nun neih kha a biapi deuh. Chim thiam zong a tha sawk asinain a tuah kho tak tak tu/party kan herh deuh rih hna.
Note: Victor pa nih a postmi lakchinmi a si.
Leave a Reply