Khah mipi nih kan I ngei taktak mi le zoh kan duh ngai cio mi, kan kawlram hung lawng hlah vawlei cungpi huap in I thong thiam lei ah a min a thang mi, minthang Aung La cu theizing I kan I phomh cang lai caah, a ni le caan thei rih lo mi caah,chin/laimi chungah media ngan kan I ngei ve mi chin cable network channel nih a van tar lang mi kan van in share chin hna.
Chin/laimi chungah media ngan kan I ngei ve mi chin cable network channel nih a van tar lang mi: Aung La Le Ataides Cu Thaizing Ah An I Phawmh Cang Lai, USA 8:30 AM [Friday] Myanmar 7 PM [Saturday] Tutan ah ahodah teitu si lai, Ahodah na zumh deuh timi zalong tein COMMENT khawh asi.CCN
Ca dang relchap; Nay Pyi Taw Covid Center Ah Palek Chungkhar Pawl Zohkhenhnak An Pe Duh Hna Lo Nay Pyi Taw hmun chungah covid-19 mizaw 8,000 deng an um tiah theih a si i, mah chungah palek le an chungkhar hna tampi an i tel ve nain inn ah i zohkhenh dingin an ti hna tiah theih a si. Nay Pyi Taw hmun chungah covid-19 mizaw zohkhenhnak hmun 14 ah July 26 tiang hmunhma a lawng mi hmun 1,000 leng a um.
Cun Nay Pyi Taw chung quarantine center ah hman mi hotel le ralhrangbu khualtlunnak hmun zongah mi 1,500 an i tlum rih ko tiah ralhrangbu kuttang covid-19 doh, ven zohkhenhnak le emergency komiti cazin ningin theih a si nain palek le palek chungkhar hna cu mah hmun pawl ah zohkhenhnak an pek duh hna lo.
Hi kong he pehtlaih in “sii inn ah i zohkhenh khawh kan si lo, inn ah home quarantine in va i zohkhenh ulaw, nan zual deuh ahcun rak kan chim u an kan ti.Mizaw hi kanmah lawng kan si lo tikah sousel awk le a tha fawn lo” tiah Nay Pyi Taw ah a ummi palek chungkhar pakhat nih a chim.
Nay Pyi Taw ah covid-19 zawtnak a karh bantukin a thi mi zong an karh ngai tiah theih a si i, Zabuthiri peng ah mizaw 2,000 leng an um.Pyimana le Lewei telin Stay at home ah chiah an si. Ralhrangbu nih Nay Pyi Taw ah Oxygen Plant hna bunh in a si khawh chungin zohkhenhnak a tuah nain mizaw le mithi zat an zor hlei lo tiah theih a si.TCP
Leave a Reply