Irrawady ramthen, Maupin myone, Sinku khua ah August 28 ni i a nupi nam in a sawh thattu pa cu palik nih an tlaih lio ah nam in a zuang hnawh hna i palik 3 a hliamh hna tiah khuami sin in theih a si. DVB nih a tarlangh.
Lainawngtu Phoe Tet cu nam in a nupi a sawh that hnu ah a ka tlaih ngammi nih ka tlai uh tiah a au i palik nih tlaih an timh lio ah a nam aa chuak i a zuang hnawhnak tiah Sinkuu khuabawai U Kyaw Myint Htay nih a chim.
“Amah hi zu din pengmi a si, atu zong a nupi a thah i a ka tlai ngammi ka tlai uh tiah a au, khuami nih palik sin theihternak an tuah, palik nih tlaih an timh i a zuang hnawh ve hna, palik pawl hliamhma an tuar” tiah khuabawi U Kyaw Myint Htay nih a chim hi a si.
Thah a tongmi a nupi cu a zengmi (lephiat) a si i a kut pakhat a cawl kho lo i fapa pakhat le fanu pakhat a ngeimi a si. “A thattu a pasal hi zu ri paoh ah nam aa lak i a buai pengmi a si caah khuami zong nih buainak sertu pakhat bantukin an hmuh hna” tiah a thimi nu chungkhat U Ngwe Soe nih a chim.
Ka nau hi lephiatmi a si i a kut pakhat a cawlcang kho lo. A pasal rit caan paoh ah a buai hnawh peng. Nam aa tlaih i a buai peng tikah ahohmah nih an ti ngam ve lo. Cucaah tu bantuk ka naunu a thih phahnak a si. An fale hi kum 10 hrawng ngakchia tete an si hna” tiah U Ngwe Soe nih a chim hi a si.
A nupi a thattu Phoe Tet an va tlaih lio ah nam sawh a tongmi palik 3 hna zong Kywedung siiinn ah an thlawp lio tiaah palik hna sin in theih a si. Phoe Tet cu Maupin cozah siizung ah an kuat i hrennak khan ah an thlawpbul pah in tazacuai a si lai tiah theih a si.
Ref: DVB
Leave a Reply