Midang nupi a firmi pa farle pahnih cu a nupi firpiakmi pa nih a tlaih ve hna i hri in a ttem hna. Hi thil cang hi Thailand ram ah a ummi Kawlram mi an si tiah theih a si.
Thailand ram ah riantuan in a ummi, an riantuannak ah an hruaitu pa nupi cu a kuttang riantuanmi pa nih a fir i a zampi caah nupi firtu naule (farle) pahnih cu a nupi firpiakmi pa nih rak tlanh ding in a tlaihpiak ve hna tiah theih a si.
Hi video hi AAC phu sin ah bawmh an halnak i an kuatmi a si i, AAC phu pawl nih Thailand ram, Kanchanaburi District ah chun nitlak an kawl len nain zeihmanh pehtlaihnak an hmuh lo tiah theih aa si. A zammi hna kong a theihmi nih AAC sin theihternak tuah ding in AAC phu nih mipi sin bawmhnak an hal chin tiah Ye Min nih a tarlangh.
Video chung kan zoh tikah a nupi firpiakmi pa nih, “Ka cungah thil thalo na tuah caah rak zoh ko hi, fiang tein rak zoh. Nangmah nih nan video na ka zohter bantukin keimah zong nih kan zohter ve cang hi. Na duhmi lam i thim. Nangmah nih ka nupi naa kalpi i, ka nupi na fir. Rak ka kuat than. Ka nupi na rak ka kuat than lo ahcun zoh ko hi, an pahnih in ka thah hna lai hi” tiah a nupi firtu pa farle pahnih video in a zohter hna.
Hi video kong ah Ar Bao timi pa nih cun, “Bro. na zawn kan ruah lo cu a si hrim lo. Bro, nan lungkuai lai ti cu ka theih. Nain minung bantukin khua ruat. Na ruahnak a bi tukmi kha mipi na hmuhter bantuk a si. Na nupi an fir piak mi hi ningzah awk a si lo nain Bro. atu na thil tuah hi a chia tuk. Ningzah ding nakin fih nung pasal thi tuah a si. Tha tein khua ruat law biachahnak tuah” tiah an commentmi hmuh khawh a si.
Phoe La Min nih, “Nangmah ah thil ti khawhnak na ngei ahcun na nupi a zampimi pa cu nangmah pumpak nih kawl law na duh ning in tuah ko ca. Atu ah sualnak ngeilo, zeihmanh pehtlaihnak a ngei lomi harnak pek cu. Nu bantuk, nu khuaruahnak bantuk, ningzah ngai na si” tiah a tial ve.
https://www.facebook.com/ye.min.54738/videos/1626428774195340/
Source & Video: Ye Min
Leave a Reply