A Pa Cu Minung 3 Nih Cei  Lak In An Vuak (+Video)

Monywa myo, Thalla (7) ah mipa pakhat cu an chungkhar te in bazaar an kal lio ah a rak rem lomi an khuami minung 3 nih tanbo he an bawh i an vuak. Cucu an vuakmi pa fanu Suu Thanda Linn nih video record a tuah a video he a hmanthlak he a duh lonak le tazacuai an timhnak kong cu a tanglei bantuk in a tial hi a si.

Ka pa cu a sual lo nain hi tin fak a tuar. Hi video file hi zoh cio uh. Vandum muici hni aa fenhmi khi keimah pa a si. Video ka thlak khawhmi hi a cheu chum lawng a si. A hmanthlak zong ka tar chih i zoh chih te uh.

Ka pa, ka nu le ka naupa he tiah kan chungkhar tein thil cawk ding in leng kan chuak. Bazaar pawng kan phan ah hmasa i ka pa a rak rem lo ciami hna nih ka pa cu an velh. Ka nu le ka naupa an velh tuk lo nain ka pa cu cei lak in an velh. Minung 3 nih minung 1 velh ti cu ka pa cu a cei tuk caah atu hi Monywa cozah siizung ah a um lio a si.

Phaisa a ngeilomi kanmah chungkhar lei kan sung lo dingah tuanvo ngeitu upa hna nih thil dik ning tein kan dirpi uh. Kanmah chung nih kan ngaihthiam (ceinat) kho hrimhrim lo.

Hi khuapi (Monywa) ah tha tein bia an kan ceihpiak lo ahcun Ramthen Biaceih Zung tiang phan ka duh. Minung cio cio zawn ruahnak he kanmah zawnruahnak he kan bawm ko uh. Thil dik ning tein kan ttanpi ko uh. Nan dihlak bawmh kan hal than ko hna. Monywa, Thalla (7)” tiah a tarlangh hi a si.

Minu nih a velhtu hna le a pa kong a tialmi ahhin zeiruangah an rak i rem lo timi a tial chih mi a um lo. A tangah video zoh chih khawh si.

https://www.facebook.com/khaing.sukyi.73/videos/1041119409673216/

Ref: Suu Thanda Linn

Leave a Reply

Your email address will not be published. Required fields are marked *