Apoi bak ka ti “Reschedule kan tuah piak tthan kho hram hna seh law tha tuk lai dah.” Chin miphun caah a biapi taktak mi Ramkhel Party (3) Debate nak ah Cozah tlaitu a simi NLD lei an i tel kho tthan lo.
Debate zoh lai ka ngaih ngai mi “Pu Zo Bawi (Chin State Hluttaw Speaker-NLD), Salai Ceu Bik Thawng (CNLD), Dr. Hmuh Thang (USDP) ah Pu Zo Bawi aa tel kho lo.
Ramkhel Bia raldohnak “Debate” ti bak a si, cun Lutlai lawngte in Party ngan (3) Bia raldohnak an ngeih lai caah Chin mipi caah biachahnak puitling an kan pek hrim lai ka timi a si.
Topics pawl zong hi Chin mipi nih kan theih duh taktak mi pawl, a biapi mi lawng te an si; 1. Corruption-Eihmurnak kong; 2. Border- Ramri kong; 3. Right- Covo kong; 4. Budget& Development- Tangka hmuhnak/hmannak kong le thanchonak Kong; le 5. Governance- Ukning le hruaining an si.
CNLD le USDP nih cun fiang taktak in an chim veve , A sinain Pu Zo Bawi aa tel lo caah tlamtling lo ngai a si ko tiah ka ruah. Vice President Henry Van Thio Hakha a phak caah Pu Zo Bawi cu aa tel kho tthan lo ti asi. Vice President Henry Van Thio hi tuzing ahcun Hakha a phan rih lo, atu zaan hi Lampi ah a um lio, a rak tlung cuahmah lio cu a si ko rua.
Thimnak vote pek caan a nai tuk cang caah Chin ram ah Party ngan bik a simi, USDP, NLD, CNLD lutlai bak Debate an tuah mi nih Chin mipi caah thahnemnak, thinlung biachahnak felfai a pek khawh ding tuk khi asi.
A si khawh hram ahcun “An Pathum te bak in, Debate tuah tthan ko hna seh law Chin mipi caah a thahnem tuk lai” tiah ka ruah.
Credit: Salai Cung Dawt
Leave a Reply