Minung hi saram hmanh kan tluk hrimhrim ti lo mu. Saram hmanh nih a chung chuak a fa cu tha tein a si khawh chung in a kilkawi i a zohkhenh. Nain minung tu nih mah chung chuah fa cu zaangfahnak le zawnruahnak ngei loin duh paoh an hlonh sawh ko. Vawlei cung hi a poi ko mu.
Thil sining cu nizan 2020, October 3, zinglei suimilam 7am hrawngah khan Phaungpyin myone, Lwingyi khuami U Maung Zaw timi pa cu ram lak mehmuai a kawlnak ah ngakchia chuakka pate a hrintu nu nih a hlonhmi a char ti a si.
A charnak hmun hi Phaunggyi myone, Lwingyi khua le Natnan khua kar Beuha lam in nitlak lei farlong 3 hrawng a hlatnak, pe 130 hrawng a sannak lungpang cung in thi seh tiah an hlonhmi a si lai tiah ruahdamh a si. Nain vanchiat vanthat ah pe 50 hrawng a thuhnak a tang a nunnak an chanhmanh tiah theih a si.
Ngakchia cu a khup pahnih ah a dupmi hliamhma an um pinah a biang le khat lei a mit an phing ti si. Atu cu a chartu nih tha tein a hliamhma a zoh piak i thinphung dirhmun a si ti lo tiah theih a si. Cu hrintu a nu nih a hlonhmi ngakchia pate cu Lwingyi khuami Ko Khin Maung Myit le Ma Phyu Phyu te nuva nih kan cawm lai an ti ti si. Ma Phyu Phyu hi Lwingyi khua ah High Schoot sayamah a si.
Lwingyi khuami nih an charmi ngakchia pate cu aho fa a si i aho nih dah a hlonh timi theih a si lo pinah zeiruang ah an hlonh timi zong theih a si lo. Mah chungchuak fa tiangtiang a hlonh ngammi minung cu saram hmanh an tluk ti lo. A fak khun ko.
Ref: Nay Min
Leave a Reply