Chin ramkulh chungah Quarantine in chiahmi hna lakah minung pahnih sin in Covid-10 zawtnak hrik an hmuh tiah Health and Sport Ministry lei nih tuzing ah thawngthanhnak an tuah.
Tuzing (7/8/2020) suimilam 8:00 am i thawngthanhnak an tuah ningah chek ding in sample lakmi 440 chungah minung pahnih sin in hrik an tuah i anmah hi India ram in Chin ramkulh Tonzang myone chungah Quarantine chiahmi mipa pahnih an si tiah theih a si.
India ram in a rak tlungmi mipa pahnih, nihin an zawtnak hmuhmi he cun Kawlram chungah zawtnak a ngeimi dihlak 359 an si cang tiah Health and Sport Ministry nih tu zing ah thanhnak an tuah ti si.
Hi mizaw thar hna cu Sagaing ramthen, Kalaymyo in kum 28 mipa pakhat le Chin ramkulh, Tedim myone in kum 24 mipa pakhat an si i Tonzang myone ah Quarantine in an chiahmi an si tiah DVB nih a tarlangh.
Nai August 5 ni zongah Chin ramkulh Tedim myone ah kum 19 mipa pakhat sin Covid-19 hrik hmuh a si. Kawlram pumpi chungah nihin August 7, zinglei suimilam 8am tiang in Covid-19 mizaw dihlak 359 an si cang i cu chungah minung 6 an thi. A dam thanmi dihlak hi minung 308 an si i cu chungah minung 290 cu siizung in chuahnak nawl pek cangmi an si tiah theih a si.
Ref: DVB, MMPF
Leave a Reply