Khah!,,Matupi Peng Chianpian khuami tar le upa tiang SAC ralhrang nih an thil an phorhter hna, Chin Ramkulh thlanglei Laitlang Matupi-Mindat lei ah ke in a kalmi SAC ralhrang hna nih Matupi Peng Chianpian khuami tar he ngakchia he hramhram in an thil an phorhter hna tiah thawng kan theih.Khuami pakhat nih Matupi in Mindat lei ah a kal mi an si. Thil phorhter mi hna chung in kum upa deuh pathum cu an thlah than hna tiah kan theih. Rian a tuan mi Kawl pathum zong an tlaih ve hna.
Cun lam i aa chawk mi poh an tlaih dih hna tiah a chim. Cun, dum, lo a kal mi le a um mi zong an tlaih dih hna. Atu tiang ah an tlaih mi hna zat cu kan thei kho rih lo tiah a cunglei khuami nih a chimchap. Tukar hrawng Mindat le Matupi kar ah kahdohnak a sang chinchin. A thi mi le hliam a tuarmi theih khawh an si rih lo.crd-the hakha post.
Ca dang relchap; Ngaktah Zohkhenhnak Inn Ah Ngakchia 60 Covid An Ngei,Pakhat A Nunnak A Liam Kachin ramkulh Bhamo khuapi Pinsinkung vengah a um mi Robert Baptist Khrifabu ngaktah zohkhenhnak sianginn ah a ummi ngakchia 60 renglo sin in covid-19 zawtnak an hmuh,ngakchia pakhat cu tuzing July 31 ah covid-19 zawtnak in a nunnak a liam.
Atu ah mah ngaktah sianginn hi containment zone ah chiah a si caah ngakchia hna ei din le sii an herh ngai tiah ngaktah zohkhenhnak tunavo ngeitu pakhat nih KNG sin ah a chim. Mah ngaktah sianginn hi ralzaam sakhan pawng a si caah zawtnak hi a chawn dih mi a si lai. Zawtnak hi ralzaam hmun ah an hmuh hmasa mi a si.A hnuah ngakchia dihlak an zaw i, tuzing ah ngakchia pakhat zawtnak in a nunnak a liam.
Cucaah, atu a zaw lio mi hna caah ei din zong kan herh ngai.Sii inn lei nih an zawt ahcun inn ah i zohkhenh dingin an kan ti. Sii inn nih an kan cohlang ti lo caah covid-19 vennak thilri pawl zong kan herh ngai tiah KNG sin ah an chim. Robert Baptist krihfabu ngaktah zohkhenhnak sianginn ah hin ngakchia 76 an um i, 60 nih zawtnak an ngeih hi a si.Tuzing ah a thi mi hi tang 9 a cawng lio mi a si-the chin post.
Leave a Reply