A Poi Tuk Ee, Kan Farnu Ralhrang Nih An Tlaih

Voice Of Mandalay Phu I Can Karlak Tuanvo Ngei Tu SAC Nih An Tlaih Tanglei Vawlei lei in tawngthanh nak Voice Of Mandalay (VOM ) phu Cankarlak( Admin) tuanvo ngei mi nu pakhat SAC nih an tlaih nak VOM nih an thanh. SAC tlaih a tong mi Mandalay duhphorhnak a au chuah pi tu pakhat nih phone in a khawhauh nak in november -22 zanlei Sml 4 hrawng ah tlaihkhih a ton hi a si nak an langh ter.

Ca dang- West Lairam Ah Kahdohnak Fak Central Lairam, Lawngtlai, 2022 Sikpar 21 : Bangladesh ah Kuki Chin National Army hna cu Bangladesh cozah ralkap le Arakan Army i bawm in kahdohnak a chuah caah Chittagong Hill Tracts ah a ummi Laimi hna cu Central Lairam Lawngtlai pengkomh Parva ah 2022 Sikpar 20 ah minung 300 leng an phan.

Lawngtlai SP tuanvo latu Pu C. Lalruatkima nih Lawngtlai ah Doordarshan palai a chimh ning ahcun, hi buainak ruangah nunhimnak kawl in Mizoram ah luhtim minung 300 hrawng cu 2022 Sikpar 20 ah Lawngtlai District chung Parva pawng Old Simenasora ah an lut, a si khawhchung in ramri ah ralkap duty nih kham hna hmanhsehlaw mi zeimaw nih ramri an lonh cang caah Lawngtlai palek zong a hmunah an kal colh.

Lawngtlai Zipeng: Amol Srivastava nih thil sining hi Home Department le ralkap nawlngeitu a chimh cang hna, thil umtuning cuanh cuahmah lio a si. Hi kahdohnak ahhin Kuki Chin National Army cu , Bangladesh cozah ralkap le East Lairam West lei zongah Laimi hmunram chuh le Laimi inn lo chuahtak tiang lawng siloin nunnak tiang latu Arkan Army hna an i bawm.crd- The Lairam Times.

Thawng dang rel chap- Chin ramkulh, Falam khuachung ah Vok zawtnak tlangrai a tlung i zawtkham sii a um lo pinah sii chuntu an um lo caah a thimi an tam cang, tiah theih a si. Tualchung mi pakhat nih, “Atu lio hi Falam ah Vok zawtnak tlangrai fak tuk in a tlun caah a thimi an tam ngaingai cang. Voksa zong kan ei ngam ti hna lo. Zawtkham sii zong a um lo pinah sii chuntu siibawi te zong an um lo,” tiah The Chin Post ah a chim.

Vok an zawtnak hi zarh thum hrawng a si cang. A dang inn zuat saṭil tu cu an zaw hna lo. Falam khua chung mitam deuh nih cun Voksa kan ei ngam ti lo. Market Vok an thahnak zong ah Voksa a cawtu kan tlawm ngaingai cang, tiah a chim chap.

Falam peng Varung khuami pakhat nih, kannih lei hi cu Vok a zawmi le a thimi cu an um hraw rih lo. A dang inn zuat saṭial hna zong an zaw hraw rih lo, an him ko, tiah The Chin Post ah a chim. A luancia September le October thla lio zong ah Hakha ah Vok zawtnak tlangrai a rak tlung i, a thimi zong an rak um. Atu cu zawtkham sii kan chunh hna i ai ning ngai cang, tiah Vok zuatu pakhat nih a chim.

Leave a Reply

Your email address will not be published. Required fields are marked *