Matupi Khuachung Ah Facang A Um Lo Caah Mipi Harnak An Tong. Chin ramkulh, Matupi pengchung ah facang a um ti lo caah mipi harnak an tong tiah theih a si. Matupi pengchung ah phone line le internet line a ngahlo caah, khua khat le khua khat i pehtlaihnak ah an har ngai. Cun khuachung facang dawr le eidin dawr zong ah facang cawkding a umti lo caah a tulio Matupi peng ummi mipi harnak an tong tiah theih a si.
A luancia zarh chung ah khan facang cawkding a um ti lo, phaisa um lo ruangah si lo in cawkding facang hrim a um ti lo. Cheukhat cu a hlankan in facang dip hnih aa cawkcia zong an um i, a cawkcia ve lo mi hna caah facang cawkding a um ti lo caah harnak an tong” tiah tualchung mi pakhat nih a chim.crd-the chin post. Thawng dang: Manipur Ah Ralzaam Dirhmun In Aa Dormi Myanmar Rammi 4 Tlaih An Tong
India, Manipur ramkulh, Moreh pengchung ah theihpinak tatte ngeilo in ralzaam dirhmun in aa dormi Myanmar ram mi pa 4 cu Police le Special Commando phufonh nih January 30 ah an tlaih hna tiah theih a si. Ram hnihnak zong ah kan caah himnak a um lo, Myanmar ram mi kan si an theih ah cun an kan hmuhnak ah tlaih kan tong, inn khat hnu inn khat lut in checkhlatnak an tuah lai tiah thawngpang kan theih caah ramlak ah kan i thup,
Zeitik ah tlaih kan ton ve lai tiin thinphang in kan um” tiah Manipur ah ralzaam dirhmun in a phanmi Myanmar rammi pakhat nih a chim. January 27, ah Moreh pengchung H.Lhangcham khua le New Salbung khua ah ralzaam in aa dormi Myanmar rammi hna chung in kum 70 tluk upa 2, kum 71 tluk simi 1 le kum tlinglo ngakchia 10 telh in minung 81 tlaih an rak tong.
January thla, thla khat chung lawng ah theihpinak tatte ngeilo in ralzaam dirhmun a phan mi Myanmar ram mi 85 tlaih an tong cang. Cu thilcang kong he pehtlai in Manipur ramkulh Chief Minister nih amah social media ah ” Myanmar in India ramri hmunkip ah ralzaam dirhmun in aa dormi hna nih cozah sin ah theihternak nan tuah lai” tiah a langhter.
Leave a Reply