Mipi lei pasal tha rual 3 an pam, Manywa peng SAC le Manywa peng PDF cu July 26 -28 tiang nithum chung an i kaap. Cu i kahnak ah cun mipi lei ralkap PDF pathum an pam tiah July 29 ah anmah Manywa PDF lei nih thanhnak an tuah,crd-CCN
Ca dang relchap; American Ramchung Ah Delta Virus Karh A Rang American ramchung ah zawtnak chawnh a rang tuk mi Delta virus a karh caah, tha ten i kham khawh nak ding ah virus runvennak sii cu chunh cio ding in le, rianhmun le misin chawh/ kal tik zong ah mask bunh cio ding in nawl a chuah.
American president Joe Biden nih cun cozah riantuan 2.1 billion hi virus runvennak sii chunh cio ding in le, zei si hmanh ah runvennak sii chunh cio ding in fak deuh in ruah a si, zawtnak chawnh le a karh deuh nak hmun kal tik ah amah pumpak zong mask ka bunh lai tiah a chim.
American ah Covid zawtnak ruangah nunnak liam mi hi 611000 leng an si cang, June thla dih lei ah khan nifatin zawtnak a chawnmi hi 12000 hrawng an si, atu ahcun nifatin zawtnak ngei mi mizaw thar hi 6000 leng tiang an karh. Nancy Pelosi zong nih hluatdaw ah ho poh nih hmurhuh i huhcio ding in zulhphung a chuah than.
Minthang tuk si mi tangka thap lentecelhnak rianhmun um nak Nevada ramkulh Las Vegas khua zong ah building chung ah mask huh cio ding in zulhphung a chuah,Missouri ramkulh, Kansas City zong ah cun bantuk zulhphung cu an chuah. American thawngzamhnak hmun ngan pakhat si mi Washington Post zong ah riantuan tu dihlak September thla lai hrawng zungkai hlan ah runvennak sii chunh cio ding in fian an si.
Research an tuah ning ah runvennak sii chunh cang mi hna zong zawtnak chawnhkhawh than an si caah tih a nung ko, mizei loh nih kan riantuan nak le umkal nak kip ah mask huh cio ding le ralrin ten um cio ding tiah an langhter.crd-the chin post.
Leave a Reply