A Poi Tuk Ee, Ralhrang Nih Khuachung Inn Khangthan

Sagaing ram, Tanhsae peng, Chunlae khua cu ralhrang nih December 20 in umhmun an khuar I nihin January 12 tiang an um rih. Inn 20 nak tlawmlo an khaangh cang i khuachung mi dihlak an zaam cang, tiah khua mi pakhat nih Yangoon Khat Thit Media ah a chim. Khua mi pakhat nih cun,

Ralhrang nih khuachung inn 20 nak tlawmlo mei in an khaangh cang. Cheukhat inn cu thingtannak seh(engine) in an hrawh. Khua mi dihlak nih kan zaamtak cang i Ralhrang pawl nih an duh poh in mipi inn chung ah an umnak, cheukhat inn chung thilri pawl zong an hrawh dih,” tiah a chim.

Inn 13, innchung thilri cu ralhrang nih an hrawhpiak dih hna, thil man sung deuh cu an laak dih. Pyo-saw-hti phu pawl nih khua mi hna an i chiah mi riahcaw pawl cu an laak i, an laak dih khawh lo mi cu mei in an khangh taak, mipi nih facang an hleh manh rih lo mi zong mei in an khangh piak hna, tiah a chim chap.crd-the chin post.

Thawng dang relchap; Sagaing ramthen, Ayardaw peng, Yarit khua le May Natt khua karlak  ah Ayardaw, Min Mu, Sagaing,  Monywa, Wattlat, peng 5 fonh mizapi vengtu ralkap phu nih bomb an puahhnawh ruangah Pyo Saw Htee minung  7 a thi mi hna an ruak a rak chartu ralhrang hna cu January 11, zanlei ah bomb an puah hna i ralhrang 4 an thi chap tiah theih a si.

Ayardaw peng, Ngwe Twin khua ah umhmun a khuar mi ralhrang hna le Pyo Saw Htee phu hna nih Ngwe Twin khua le a pawngkam khua hna ah tisik anhnah a chuak mi chung in a cheukhat cu ngunkhuai an hal hna i an zuar, an hmuh mi phaisa cu a herhnak poh ah hman ding in an i khon, tiah mizapi vengtu ralkap phu hna nih thawngzamhnak ah an langhter.

Cucaah mipi sin hramhram in an laak mi tisik anhnah zuartu mawtaw cu January 10 zaan ah Watt Lat peng, Swe Paan Kone  khua le Thar Ma Yo khua karlak ah mizapi vengtu ralkap phu nih bomb in an puah hna, Pyo Saw Htee 7 an nunnak a liam tiah kan theih. Bomb puahnak in a thi mi Pyo Saw Htee hna ruak cu

Ralhrang nih Cycle 5 le FAW Car (motor) 1 in an rak fimhlawm lio ah bomb in an puah hna i ralhrang 4 an thi chap. Ralhrang phu nih Thar Ma Yo khuachung cu Thar Ma Yo hlei in hriamngan in an rak kah caah mizapi vengtu ralkap le ralhrang kar ah suimilam 1 chung kahdohnak a chuak, mizapi vengtu ralkap lei in a hliam mi an um lo tiah theih a si. Ayardaw peng chung ah

Ralhrang dirhkamhtu Pyo Saw Htee pawl nih nan hriamnam chia loin, mizapi namnehnak nan tuah rih ko ahcun mizapi vengtu ralkap nih kan in kah hna lai. Ralhrang le Pyo Saw Htee phu motor hna zong an i chawh rih a si ahcun atu bantuk in kan in thianh hna lai, tiah peng 5 a fonh mi mizapi vengtu ralkap hna nih ralrin pek nak cathanh an chuah.crd-the chin post.

Leave a Reply

Your email address will not be published.