Cakuak meitil tlaknak in inn pakhat a kang i thinlung le pum tlamtling lomi mipa pakhat a nunnak a liam tiah theih a si. Cucu nai September 21 ni ah a cangmi a si. Media Top 4 fb page nih a tarlangh.
Cu inn mei kanghmi cu khuami hnaa nih an zuan hnawh i chun suimilam12 ah an hmit khawh tiah theih a si. Cu meikanghnak cu Sagaing ramthen, Shwebo District, Wetlet myone, Pyone-oo khuami U Cho (kum 80) tar a si i, U Cho cu a thinlung chambaumi le a cavorhlei ke a tha lo mi a si. A inn cu pe 6 square inn hmete a si i cakuak meitil tlaknak in a kangmi a si tiah theih a si.
Mei kangh ruangah pe 6 square cangphio khuhmi, mirang vawlei ttuang phahmi inn pakhat a ciam dih i mi tlamtling lo U Cho nunnak a liam hi a si. Wetlet myone, Shwepankung area police station nih case no. 140/2020, upadi pohma 285/304 in case an tuah tiah theih a si.
Rel chap ding: Minu pakhat chungkhar harsat ruangah hri aa awk
Minu pakhat cu an chungkhar kong ruat in a lung rawk tuk caah hri aa awk tiah theih a si. Cu thil cang cu Irrawaddy ramthen, Ye-kyi myo, Ne Win sang, No. 5 lam pawng khuasami kum 41 minu Daw Yin Myo Thwe a si i, a chungkhat nih chungkhar kong lung rethei ruangah September 17 ni ah amah le amah a nunnak aa lak tiah Ye-kyi myoma police station in theih a si.
Cu thihnak kong he pehtlaih in Ye kyi myoma police station in tuanvo ngeitu hna nih kherhhlainak an tuah i Daw Yin Myo Thwe cu plastic hri in an innkhan ah hri awk inn a thi ti si. Cu thihnak kong he pehtlaih in Ye kyi myoma police station nih case no. 3/2020 in case an tuah i palik nih kherhhlainak an tuah ti asi.
Ref: Media Top 4
Leave a Reply