A pasal he bia an i alnak ah a pasal nih thah a timh i a pasal nih a thah manh hlan ah a hmanthlak ka tar chihmi a nupi nih a pasal cu nam in a sawh i a thah. Aa changnak ah a thah ti ah le lainawng, lainawng ti ah le a nunnak aa changnak ah a si fawn. A sual kan ti lai maw a nusal kan ti lai dah.
Nizan October 25, zanlei sang ah Southern District, Kyauktan myone, No. 7 Security Palik sakhan-khuai ah Ye-oke Han Linn Soe le a nupi cu bia an i al, an buai i a pasal nih a nupi cu nam in sawh aa timh caah a nupi nih a nam a chuh i a pasal tu a sawh tiah theih a si.
Thil sining cu nizan October 25, zan suimilam 8:50pm hrawngah No. 7 Security palik sakhan-khuai, Azakhan line no. 2 ah a ummi Ye-oke Han Linn Soe le a nupi Daw Aye Nyein Tha hna cu an nuva karlak ah biaalnak a chuak i, Ye-oke Han Linn Oo nih a ihnak khan chung i lehmah 6 hrawng saumi nam pakhat aa lak i, a nupi Daw Aye Tha cu sawh aa timh caah a nupi nih a nam cu a chuh i a pasal cu a sawh tiah theih a si.
Ye-oke Han Linn Oo cu a cavorhlei hnak ruh kar ah nam sawhnak hliamhma he No. 7 Security palik in tuanvo ngeitu Duh-ye-oke Min Aung le Duh-ye-hmu Maung Win hruaimi phu nih Kyauktan myo, Pyithuh siizung ah an kalpi i zan suimilam 9:30pm hrawng ah a hliamhma celh loin a nunnak a liam tiah theih a si.
A pasal Ye-oke Han Linn Soe thahtu U Maung Thein fanu Daw Aye Nyein Tha (kum 35) cu No. 7 Security palik phu nih Kyauktan myoma police station ah case no. 1197/2020, upadi pohma 302 ning in case an tuah piak cang tiah theih a si.
Ref: No two Kyauktan
Leave a Reply