Minung kan nunnak ngai hi chim a har tuk tawn. Thaizing caah timhtuahnak thatha hna an ngeih lio ah thaizing phan manh loin a nunnak a liammi vawlei cung ah an tam liangluang.
A cheu cu thlichia nih a nunnak a liampi i a cheu cu tilet nih aliampi ve hna. A cheu cu motor cangsualnak, cycle cangsualnak, ikhonden sualnak tbk cangsualnak phunphun nih an nunnak a liampi ve hna. Cu lio ah micheu cu mei le electric mei nih an nunnak a liampi ve i a cheu cu an pawcawmnak caah an tuanmi rian lila nih an nunnak a liampi ve hna.
Nizan zong mi pakhat cu thinking tteng thlak aa timh in thinkung cung a kai lio ah electric meihri nih a laih sual i a nunnak a liam tiah theih a si. A hmanthlak kan hmuh ning in thingkung cungah aa thlai i tuanvo ngeitu hna nih an ruak an lak hi a si.
Thil sining cu nizan 2020, August 28 ni, zinglei suimilam 9:30 am hrawngah Yangon ramthen, Dagon myothit Seihken myone, 92 sang, Chindwin yeihmon innya, Mingala lam i inn pakhat ah mipa pakhat thingkung theng tlak aa timh i thingkung cung a kai lio ah electric mei nih a laih sual i a nunnak a liam hi a si.
Kum khat hnu kum khat in kan ram a thancho i mah le khuate cio zongah electric mei tete hman cio a si cang tikah khua chung a ummi thingkung electric meihri nih a tonghmi pawl hau I timh tikah iralring a herh ngaimi a si.
Thingkung a hringmi pawl hi Electric dat a kal kho ve ti a si caah na inn pawng i a ummi thingkung nih electric mei hri a tongh sual maw timi tha tein iralring a herh ngaimi zong a si. Mipi caah thathnemnak a um hnga maw tiah a cung cangsual thihnak kong he pehtlaih in ka van tar chinmi a si.
Ref: Myaelat Tharlay
Leave a Reply