Lawlawse ca i minung kalnak an tuah mi donghhlei ah a ke a nal sual ruangah tang 4 a kai liomi siangngakchia nute ti ah a pam tiah theih a si. Tanaing myo, Hukaung sang, Maha Bandulah lam, Tanaing myone NLD zung pawng i lam an remh cuahmahmi hmun ah nihin September 22 ni, zinglei suimilam 11 hrawngah cu ngakchia nute ti chung a tla i a nunnak a liam hi asi.
Thil sining cu Tanaing myo, Suet-ngai sang ummi U Ar Ti fanu Ma Naa Che Sa (Kum 12), tang 4 a kai liomi siangngakchia nute cu a hawile he Tanaing myo, Ah-hta-kah (2) sianginn ah vitamin chang (cake) an phawtmi an hlam i inn lei an kir lei ah lam an remh cuahmahmi hmun i minung kalnak men in tuahmi donhhlei hmete cung a zawh cuahmah lio ah a ke a nal sual i ti chungah a tla tiah theih a si.
Ma Naa Che Saa ruak cu palik nih a herhmi catlap ann tuah hnu ah Tanaing pyithut siizung ah an kuat tiah theih a si. Cu thilsual a cannak hmun cu Kanthaung tiva a kalnak tha deuh seh tiah an remh lionak hmun a si tiah theih a si.
Tu lio Kawlram chung Covid a karh tuk caah riantuan khawh lo a si cio i miharsa deuh hna caah bawmhnak a pe khotu hna nih anmah le an ti khawh cio in bawmhnak tete an pek hna. Ma Naa Che Sa zong cu cu bantuk ei ding cake an bawmhmi a va hlamnak ah tu bantuk in vanchiatnak a tong i a nunnak a liam hi a si.
Source: Aung Kyiang
Leave a Reply