A Voi 52nak CNA Raldoh Cawnnak Tlamtling te in an Dih

A voi 52nak Chin National Army (CNA) raldohnak cawnnak cu tlamtling tein an dih, tiah thawng kan theih. Raldoh cawnnak ah ram ca ah a pum aa pe mi minung 250 an i tel. Cawnnak a dih mi hna nih Baibal tlaih in biakamnak, vawlei le kuan haang din ṭinak le CNF/CNA tlaihtleng ning in biakamnak an tuah, tiah theih a si. Crd-the hakha post. Thawng dang: Telone Khua Um SAC Sakhan Le Pyusawhti Sakhan Laak Kahdohnak Ah Ralhrang 14 An Tlaih Hna.

Sagaing ramṭhen, Shwebo peng, Telone khua um SAC ralhrang sakhan le pyusawhti sakhan laak kahdohnak ah SAC ralhrang 14 an tlaih hna, tiah theih a si. January 20, zan suimilam 12:00 tluk in Telone khua um. SAC ralhrang sakhan le Pyusawhti ralhrang sakhan pawl cu LPDF ṭangṭi phu hna nih kahdoh hram kan thok i January 21, zinglei suimilam 2:00 tluk ah kan laak khawh hna.

Kahdohnak ah SAC ralhrang 14 kan tlaih hna i Shwebo peng mipi humhimnak phu sinah kan ap hna” tiah LPDF ṭuanvo ngeitu pakhat nih Khit Thit ah a chim. Sakhan laak kahdohnak ah SAC ralhrang sin in tank motor kahnak RPG Bomb kuan 1, 60MM Bomb kuan 1, Jumper seh 1, G3 kuanbawm 1, kuanfang 50, 5.56 kuanfang 35 le ralthuam pawl zong kan laak chih pinah SAC ralhrang chungtel 14 kan tlaih hna, tiah a chim chap.

Kahdohnak ah aa telmi htiamtlai phu hna cu BNRA, LPDF, Yaung Ni – Shwebo le a dang hriamtlai phu 7 hna an ṭangṭi, tiah theih a si. Thawgdang: CNA, CDF-Matupi, CDF-Paletwa le SAC Ralkap Kahdohnak ah SAC 10 an Thi. CNA, CDF-Matupi le CDF-Paletwa nih Paletwa lei in a rak zaam mi SAC ralkap pawl cu ni hnih chung an kah hna i, SAC ralkap 10 an thi, tiah CDF-Matupi nih thawng an chuah. Paletwa peng in a zaam mi SAC ralkap pawl cu January 20 ah khan.

CNA, CDF-Paletwa le CDF-Matupi nih Paletwa le Sami karlak ah an kah hna i, SAC ralkap pathum a thih pin ah a dang panga hrawng hliamhma an pu, tiah an langhter. January 21 zinglei ah Santat khua ah i kahnak a chuak ṭhan i, SAC ralkap lei in minung pasarih hrawng thi. CNA, CDF-Paletwa le CDF-Matupi lei aa hliam mi le a thi mi kan um lo, tiah CDF-Matupi nih a langhter.

SAC ralkap nih Santat khua sizung an hrawh i, sii-ai le motorcycle pawl zong mei in an khangh hna. Cun, kiangkap ah ral a zaam mi nu panga le pa pathum cu SAC ralkap nih January 22 ah an tlaih hna. Tlaih a tongmi pawl hi an thlah ṭhan dih hna nain pa pathum tu hi atu tiang khua an phan rih lo, tiah an langhter. CDF-Daai zong CNA, CDF-Paletwa le CDF-Matupi bawmh ding in an rak phan ve i, pehzul in SAC ralkap kan do lai, tiah CDF-Matupi nih thawngthanhnak an tuah.

Leave a Comment

Leave a Reply

Your email address will not be published. Required fields are marked *