Poi ko a pasal cu AA le kawl ral kap kah doh nak ah a nun nak a liam hi asi,a nih hi fa pali ngei asi I a tu a dir hmun ah a lung dong ngai ngai mi asi,khirfa asi caah Pathian nih a khan te ko lai ti in a mah le mah lung a hnem mi asi.
Paletwa ralzam CBA nih an va bawmh nak ah biaruah nak tawi te an ngei nak ah a chim hi asi, ka pasal cu a hmun ah a nun nak a liam I ka fa le pali he simi ah hin kan rak zam hi asi zan khua dei ke in kan ra ka fa le an rawl a tam ei awk um lo an tah len zawng ah zei pek awk le um lo phaisa nih le fangkhat hman kan ngei lo.
Lam lai kan um lio ah cun 100 man meh kan cawk ah voikhat ei lawng asi, mei cu chim lo fangcang pikhat hman kan ngei lo ka fa le pali kei he pa5 paw cawm nak caah ka lung a dong ngai ngai. Semi kan rak phan I Pathian a tha ka dang dang in bawm nak nan kan pek caah a tu inn le lo kan ngei lo hman ah paw kim te ei awk kan ngei.
kan paw kim kan hna ngam asi nain tu hnu zei tin dah kan nun ning asi lai pasal le um lo ka fa le nih hngakchia lawng in pali an si. Kan inn kan lo ah cun kan si fak ko nain inn le lo kan ngei I thilri kan ngei mah te rian tuan I cawm khawh asi a tu hi kaa ah nam pakhat hman kan ngei lo nan mah bawmh mi le te in kan nun kan peh hi asi.
Inn I kan thilri vial te kha zei tin dah kan tuah khawh ti lai kan ngei mi inn zawt ra vok te hna zawng an rak lo dih cang lai ka lung hi a fak I ka lung a dong tuk ee ti in mitthli he a chim hi asi. Bawmh tut ha hna kan chin mi paletwa ralzam caah nan kutsam piak rih hram ko uh.
Leave a Reply