AA Nih Paletwa Khua An Lak Cang

Chin ramkulh, Paletwa khua cu zarh tam nawn chung Rakhine hriamtlai AA nih an doh hnu ah tlamtling tein kan lak khawh cang, tiah AA nih nihin January 14 ah thawng an chuah. Paletwa khuachung i SAC kut tang zung pawl ah AA thantar an tar mi hmanthlak pawl zong an langhter. SAC ralkap nih an hman mi Armour Vehicle, miakpi le hriamnam tampi an lakmi hmanthlak pawl zong an langhter hna.

Thawng dang relchap- Kalaymyo Khuapi Um SAC Hriamngan Kahnak In Kum 12 Ngakchia 1 Nunnak Liam, Taingen Khua Um SAC Sakhan An Kah, Sagaing ramṭhen, Kalaymyo khuapi chaklei, Gyoegyarkwin khua ah SAC ralhrang nih nihin January 13 zing ah an kahmi hriamngan kuan puahkehnak in tualchung mi kum 12 ngakchia 1 nunnak a liam, tiah tualchung mi hna sin in kan theih.

Kalaymyo khuapi in meng 10 tluk aa hlatnak Gyoegyarkwin khua ah SAC ralhrang nih an kahmi hriamngan kuan a tla i kum 12 ngakchia nu 1 cu a paw ah a puah hnawh caah hliamhma faak a tuar i zing suimulam 11:30 tluk ah a nunnak a liam hi a si” tiah tualchungmi pakhat nih a chim. Chin ramkulh, Tedim peng, Kalay-Tedim lamcung um Taingen khua ah.

SAC ralhrang nih umhmun an khuarnak sakhan cu nihin January 13 zing ah Chin ralkap ṭangṭi phu hna nih an kahdoh i Kalaymyo khuapi hrambunh SAC ralhrang pawl nih hriamngan in an kah bawmh hna, tiah theih a si. Atu bantuk in SAC ralhrang nih hriamngan an kahbawmh mi ruang ah Gyoegyarkwin khua um kum 12 ngakchia 1 nunnak a liam, tiah kan theih.

Atu zong pehtlai in hriamngan puahkehnak a chuak rih caah Gyoegyarkwin khua le a pawngkam khuate cheukhat cu vawlei khur an cawhmi chung ah an lut hna i mi cheu cu a himnak hmun ah an zaam hna, tiah theih chih a si.

Leave a Comment

Leave a Reply

Your email address will not be published. Required fields are marked *