AA Ralbawi Twan Mrat Naing Nih Ti Hin A Chim Cang Hih

SAC Ralkap Pawl Cu An Nunhimnak Ca Ah I Ap Dingin AA Ralbawi Twan Mrat Naing Nih Ralrin A Pek Hna, Rakhine ralkap Arakan Army (AA) Commander in Chief, Twan Mrat Naing nih SAC ralkap pawl cu “Thih nan duh lo ahcun thantar raang thlai u,” tiah ralrin peknak cu nizan January 14 ah amah pumpak hman mi Twitter ah a ṭial. AA nih Rakhine ramkulh chung ralkap sakhan zeimawzat an laak pin ah nizan January 14 ah Chinram, Paletwa peng zong a ningpi in an laak khawh ṭhan.

Cu kong he pehtlai in Major General Twan Mrat Naing nih amah pumpak hman mi Twitter ah ralkap pawl ralrin a pek hnanak ca cu a langhter. “Thih nan duh lo le fah nan duh lo ahcun nan hriamnam chia in tuan tein thantar raang mi thlai u. Cun zaam nan duh a si zong ah lam kan onpiak u tiin nawlnak tuah hmasa u law a tlaih in kan in tlaih hna lai,” tiah AA Commander in Chief, Major General Twan Mrat Niang nih cun a ṭial.

Thawng dang relchap- Pekon Palik Sakhan Laak Kahdohnak Ah SAC 11 An Tlaih Hna, 70 Leng An Thi, Shan ramkulh chaklei, Pekon khuapi kahdohnak lio ah SAC ralhrang chungtel 70 leng an thi i hriamnam 60 leng zong an laak khawh chih, tiah ralram thawnglatu pakhat nih a chim. “January 7 in 11 tiang, ni 5 chung kahdohnak caan chung ah SAC nih cunglei le hriamngan in a kah bawmh caah kap 2 kar kahdohnak faak ngai in a chuak i cu kahdohnak ah.

SAC ralhrang 11 zong mipi ralkap nih an tlaih hna pinah Pekon khuapi um palik sakhan zong an laak chih” tiah Burma VJ ah a chum. Pekon khuapi um siangsangrun No.1 sang hnulei ah SAC ralhrang nih umhmun an khuarnak sakhan cu Pekon tualchung hriamtlai phu hna nih luhhnawh in an kahdoh caah kahdohnak a faak i Konehson khua pura umnak hmun le phungki sianginn zong ah kap 2 kar kahdohnak a faak ve, tiah theih a si.

Khuapi chung kan luh lio ah SAC ralhrang pawl nih an sakhan an chuahtak i Battalion hna simi 336, 421 Battalion in SAC kuttang um No. 7 miakpi ralhrang hna an umnak lei ah hnulei an tolh. Kahdohnak a faak biknak hmun cu Pekon khuapi pawng um Konehson khua pura umnak le phungki sianginn 2 ah a si. Cu kahdohnak ah SAC ralhrang hriamnam 60 hrawng mipi ralkap nih an laak khawh i ralhrang 70 leng an thi pinah 11 an tlaih hna” tiah a chim chap.

Leave a Comment

Leave a Reply

Your email address will not be published. Required fields are marked *