Korea actor Ahn Jae Hyun cu kan thei bang in an mah ram chung long ah hlah vawlei cung huap in a min a thang mi zukcawl lemcang thiam pakhat a si, mah tluk in an ram longah hlah kan mah chin/ lai mi tiang nih kan uar I a drama tete zong kan zoh duh taktak ve cio mi actor Ahn Jae Hyun cu a thar in mipi hmuh khawh ding in a van I lang tthan mah a hmanthlak thar cu an uar ngaingai.
Actor Ahn Jae Hyun cu a nupi Goo Hye Sun he an i then hnu ah a voikhat nak in July 27 ah khan a instagram ah a van langh than. Mipi nih an hmanthlak thar le a sam thar te cu an uar ngaingai. Mask aa tuah ko nain a mui a dawh thiamthiam ko tein an fak ngai. Ahn Jae Hyun hi Love With Flaws timi Drama a cang hnu khan cun, mipi hmai ah a langh bal ti lo.
Mah drama an cang dih ah khan a nupi Goo Hye Sun he an karlak a tha lo ruang ah an i then pa mi a si tiin thei a si. cun naite ah khan an pahnih karlak a dong cikcek cang tiin “ kan pahnih in kan i tim nak, kan duh nak veve ah kan kal cang lai, hmailei zong ah pakhat le pakhat thazang kan i pek ve ve ko lai.
Cun nan dihlak cung ah ngaithiam nak kan i halh duh hna tiin an i peitlaih nak cun an dongterh tiin thei a si. cun actor Ahn Jae Hyun cu Tihin mipi hmai ah a van lang than cang tikah mipi le a fans pawl cu an i lawm ngaingai.
Cun a sam style zong kan uar tuk, idol group na lo, mask naa tuah ko nain na dawh tuk tiin comment ah an fak ngaingai. An nuva in an i then hnu ah an um nak veve ah nuam tein an um cang tiah thei a si.
Leave a Reply