Actor Salman Khan Thah An Timh

Abdul Rashid Salim Salman Khan cu minthang Bollywood actor pakhat a si. Actor, Producer, singer le TV personality pakhat zong a si. Lemcang rian a tuannak hi kum 30 hrawng a si cang i minthatnak laksawng zong tampi a co cang. Nain Bollywood Actor lakah mi nih an huat bikmi chung ah aa tel ve ti si.

Kan thah lai tiah a thihphaihtu zong an tam tuk cang ti si. Amah thah a timhtu sniper pakhat zong an tlaih cang. Cu kong cu Timisofindia nih a tarlangh hi a si. Kan hnu lei ah amah inn Panvel Farmhouse ah thlali cung self-quanrantine in a um i naite lawngah Mumbai a kir than. Atu hi Reality Show aa thlak cuahmah lio a si.

Gangstar phu chung tel Lawrence Bishnoi an timi pa sniper cu lainawng case in kan hnu June 24 ni ah palik nih an tlaih. Cu pa cu an kherhhlai tikah Salman Khan thah a timhnak a phuan hi a si. Cu pa cu Bandra sang ah a ummi Salman inn pawng ah Salman Khan thah ding in a phan balnak a chim ti si.

A luancia January thla chungah Mumbai ah a ummi Salman Khan inn pawng ka phan tiah a phuan hi a si. Salman caah cun tu bantuk a nunnak thihphaih a tong hi a voikhatnak a si lo. Cu gangstar phun chung thiamthiam in Sampat Nehra nih thah ding in program a rak isuai ve bal ti a si.

Tutan Salman Khan thah an timhnak program cu Covid-19 ruangah a rawk ti si. Salman thah an duhnak ruang cu 1998 kum lio i Jodhpur ah maheh pahnih a rak thah piak hna i an cenat lo caah tu bantukin thah an duhmi si ┬átiah theih a si. Salman cu actor a tuannak ah Radhe: Your Most Wanted Bhai” timi film ah Dish Patani he an ituai i lemcang an tuan cuahmah lio a si.

Ref: SM

Leave a Reply

Your email address will not be published. Required fields are marked *