Zukcawl lemcang thiam Chaw Yadanar nih hlan lio in aanupinyar rian an tuan ti ton mi nupi a thit rih lo mi a hawi le hna lak ah lemcang thiam Ya Wai Aung cu nupi thit ter a duh lonak cu Duwun media hna sinah a chim. Lemcang thiam minthang Chaw Yadanar nih a hawi tha actor Ya Wai Aung nupi thit ter a duh lonak cu mah ti hin a chim. Ko Wai hi nupi thit ding in ka duh lo.
A ruang cu a mah tein nuam te le lung dai te in a um hi ka duh ko. Kei cu va ka ngei cun fa nu le fa pa zong ka ngei hna. Cun fanu le fapa ka ngei tik hna ah an mah caah zei zong vialte kan lung rei a thei cang. Mah lung rei theinak kan ngei mi hi zei he hmanh tah chun kho asi lo. A caan caan ah cun lungleng thlavai kiang tiban tuk zong a um ko lai,A si nain Ko Wai lung leng a tuar nak cu chit khat te long asi ko lai.
Ngakchia caah kan lungre a thei mi cu zei hmanh nih a tluk kho lo. Mah ruang ah nupi thit lo in um seh ti ka duh piaknak cu asi tiah Duwun media hna sin ah a chim. Lemcang thiam Chaw Yadanar nih ka hawi le hna he Aanupinyar rian ka tuan ti kho ti hna lo caah hlan lio i rian kan tuan tinak le kan tlawn leng ti hna nak kha ka ruah than tik ah ka lung a leng tuk ton ee tiin a chim chih rih.
A tak sa a ngo i a ding zong a sang i a sam zong a sau taktak mi kawlram mipi nih an uar taktak mi mintami Chaw Yadanar cu TV cawnga nak in mipi nih an rak thei mi le thazaang an rak pek taktak mi asi. Tu ah cun mintami Chaw Yadanar cu chungkhar a ser cang caah lemcang rian cu tuan ti lo in caan tlawmpal cu a rak i din. Nain Fa pahnih a van ngei hnu cun zeimaw thilri cawngia nak tete ah a van i lang tthan cang.
Leave a Reply