Nihin ah Ne Win Shu Maung timi facebook account ngeitu nih Senior General Min Aung Hlaing thisen an lak lio hmanthlak a tar chih i Ahodah Senior General Min Aung Hlaing thisen aa rawn duh tiah tlangtar phun in a tanglei bantuk ca a post mi hmuh a si. Cu facebook ID ngeitu nih a tialmi cu;
Ahodah Senior General Min Aung Hlaing thisen aa rawn duh. Ser. General Min Aung Hlaing thi aa rawnmi cu amah Ser. Gen. Min Aung Hlaing bantuk in a raltha lai, raldohnak kongah a fim lai i a thiam lai.
Mipi caah zawnruahnak le dawtnak a ngei lai i ram le miphun caah dawtnak i pekchanh duhnak thinlung a ngei lai. Miphun, caholh le biaknak a upat lai i a kilveng duhnak thinlung a ngei lai’ tiah a tial hi a si.
Cu ca le hmanthlak post mi tangah comment tu an tam i a phunphun in comment an tial cio hna. A thatnak in comment tu an um bantukin a chiatnak lei in a mertu zong an um ve. Zucker Carbon timi ID hmangtu nih cun a cung i na tialmi pawl kan ngeih lai ka zum lo, ruh duhnak thinlung deuh kan ngei lai ka zumh tiah a chiatnak lei in a comment.
Pakhat pa nih cun Billionaire mirum nan si kho tiah comment a tial i a dang pakhat nih Tuluk ttihnak thi kan ngeih dih sual lai tiah a tial ve. Hi bantuk mi thalo thi dorkhat te hmanh i rawn nak cun thih ka duh deuh tiah a tial ve.
Nain a dang pakhat pa nih cun Zeitluk in a chiatnak nan chim zongah kei nih cun tu lio Ser. Gen. hi a piat-taa caah ka uar ngai. Amah kut tangah Wa ram hi an lu hmanh an lang lo, doh ding a si ahcun a doh lawlaw tiah a thatnak a tial ve hi a si.
Suimilam 3 chungah Comment tu tampi an um rih i a chiatlei in comment tu an dam deuh. Nangmah teh na hmuh ning van tial ve sawh ko.
Ref: Ne Win Shu Maung
Leave a Reply