Nizan September 6 ni zanlei sangah Thibaw myo, Shwekyaung sang ah a ummi inn pakhat chungah minu pakhat meithal in an kap i minu cu a ke ah hliamhma a hmu tiah nizan ah thawngpang theih a si.
Cu kong he pehtlaih in palik nih tha tein an kherhhlai lio a si i cu thil sual a cangnak inn ah nihin chun ah an va kal hnawh i kherhhlainak an tuah tikah an inn hnulei ar inn pawng, thingai tang ah plastic bag rang mi pahnih an hmuh chap.
Cu bag chungah Taluk sermi Gan & Rose le ruhro seal aa telmi senthong bawm chungah senthong 6, meithal bag pakhat chung senthong 9 an hmuh chap. Cu pinah inn ngeitu U Sein Win he a umttimi a dang hna zong kherhhlainak an tuah tiah theih a si.
Cu meithal kapnak kong he pehtlaih in chungkhar buainak ruangah i kahnak maw, asiloah, a leng in an mileng he buainak ruangah i kahnak dah timi cu Thibaw myone palik phu nih an kherhhlai cuahmah rih ko tiah theih a si.
Thil sining cu nizan September 6, zanlei suimilam 7:30pm hrawngah khan Thibaw myo, Shwekyaung san, inn pakhat ah minu pakhat cu a kei ah meithal kap a tong. Cu thawngpang an theih le cangka in palik le khuabawi hruaimi phu hna nih an kal hnawh colh.
An chimmi cu, U Sein Win inn ah a um ko lio ah mipa pakhat a ra i “Nangmah hi maw a ke thalomi cu” a ti i meithal in a kap i U Sein Win pawngah a ummi a naunu Daw Nan Pyone (kum 56) ke ah a khenh tiah theih a si
Mizaw cu Thibaw pyithut siizung ah an kalpi i a hliamhma zong thinphang dirhmun a si hraw lo ti si. Cu kong he pehtlaih in thil sining dik theih khawhnak hnga palik nih kherhhlainak an tuah cuahmah hi a si.
Source: Konay Konay
Leave a Reply