Thei bak ding Amazon company i CEO a si mi Jeff Bezos cu mi tam pi nih nan thei cio mi asi ko lai dah. Amazon company CEO a si mi Jeff Bezos cu tu lio American ah an buai pi taktak mi Grorge Floyd thitnak kong ah an lung faknak le miphung thlai dangnak kong ah duh lonak an lang ter. Mah duh lonak an lang ter mi Black Lives Matter col cang nak ah Amazon company i CEO a si mi Jeff Bezos cu thazaang a pek taktak mi pakhat asi.
Cu long si lo in miphung thlei dangnak kong zong ah fak taktak in a rak al ton mi zong asi. Kan hnu zarh ah khan instagram in miphung thleidannak a ngei mi customer pakhat cu fak taktak in lehnak kong cu CNBC news nih a lang ter. Amazon company CEO asi mi Jeff Bezos cu a luan cang zarh khat hrawng ah khan a Email ah costomer a cheukhat nih Black Lives Matter colh cangnak ah thazaang a pe mi kongah an soisel nak ca cu an rak kuat cio.
Mah ca an rak kuat mi chung ah ca pakhat an lang ter mi cu Black Lives Matter colh cangnak hi thazaang na pek rih ko asi ah cun na thil ri hi kan i cawk ti lai lo tiah a tial. Mah ban tuk in ca a rak kuat cio mi hna lak ah Dave ti mi customer pakhat cu Jeff Bezos nih fak taktak in leh nak a tuah. Jeff nih Dave i Email ca cu screenshot a tuah i a instagram account ah nangmah ban tuk customer nih thli na cawk lo zong ah zei hmanh a poi nak a um lo.
A nuam hmanh ka nuam deuh. Cun miphung thlei dangnak kong thazaang ka pek mi hi ka ngawl hlei lai lo. A bik in Black Lives Matter col caan nak hi thazaang ka pek rih ko hna lai tiah a instagram account a tial.
Leave a Reply