Amin Le A Khua Theih Lomi Mithi Ruak Char A Si: Minung hi tih kan nung chin lengmang ko. Nihin September 7 ni ah Kyaukmi myaungma kyi, Kanbaung lam pawng, ti lam (myaung) chungaah a min theih lomi minung pakhat a thimi ruak hmuh a si i damiah nih thahmi si dawh si tiah ruahdamh a si.
Mandalay ramthen, Pathein gyi myone chung, Pathein gyi myo le Kyaukmi khua kar Myaungmagyi Kanbaung lam cung ah a min theih lomi mipa pakhat a motorcycle lukhuh he ti lam (myaung) chungah a ruak in hmuh a si i, tuanvo ngeitu palik sinah theihternak tuah a si.
Palik nih a ruak cu an zohfel hnu ah Setana Mon Rescue phu bawmhnak an hal i a ruak pum hlai ding ah Mandalay pyithut siizung ah an kuat tiah theih a si.
Cu mipa cu a hmai le a hngawng ah nam ahnak phun in hliamhma hmuh a si i damiah taih ruangah a thimi a si kho tiah ruahdamh a si. A thimi pa chungkhat pehtlaih khawhnak dingg ah palik nih an izuam cuahmah lio tiah theih a si.
Kawlram chungah hriamnam he mi thil chuh (damiah taih) hi a karh chin i a thlithup in mithil fir zong a karh chin thluahmah ve cang. Cucaah khoika kan um kan kal hmanh ah hawikom he um kal a tha i ralring buin um kal a herh ko cang.
A cunglei i a ruak an charmi pa kong zong a minung an theih hnu ah a thawngpang update than khawh kan vun zuam than te lai.
Ref: Suyeh danyar mya neh thu
Leave a Reply