An Mui Le An Sual Ning Aa Rup Lo Tak Si

Hi hna pahnih hi an mui zoh u law, tleirawl ngakchia mui an keng. Nain an sual tuah ning cu khuaruahhar lei khi a si. Mi inn chung an lut i phone le motorcycle an fir pinah a ngeitu zong an thah beh tiah theih a si.

Thil sining cu Kyaukse myo, Tatarle sang ah a ummi U Khin Aung Htun cu kan hnu September 9 ni ahkhan a inn chung lila ah a lu nam hliamhma he thidil lak ah a ril i a thih kha hmuh a si.

Cu pinah Redmi  Note 8 sim card aa telmi phone le DAYANG phun  74W/ number aa telmi motorcycle a tlau chih caah phone le cycle firtu nih thahmi a si lai tiah ruahdam a si i a thimi U Khin Aung Htun upa U Myint Kyi nih Kyaukse myoma palik sakhan ah report a tuah ti si.

​Cu ti cun Kyaukse district palik sakhan in palik bawi Aung Myint Thein hruaimi hna le Kyaukse myone palik bawi Thein Lwin hruaimi palik phu nih ramthen dangdang palik sin tiang pehtlaihnak an tuah dih i chunchun zanzan felfai tein an kawl an kherhhlai hnuah hmanthlak chung kan hmuhmi tleirawl pahnih hna cu Sagaing ramthen, Tanhse myoma palik nih ukmi hmun Myaunginn khua an phan tiah thawng an theih ti si.

Cu ti cu Myaunginn khuami San Min Aung (a pa min U Soe Tint) timi pa nih siikan ngei loin motorcycle a mongh ti thawng caah an khuabaawipa nih an motorcycle a ting piak ti si. Cun Kyaukse palik le Tanhse myoma palik phu fonh in San Min Aung le a upa Nan Htet Aung tlaih ding in an va kal  hnawh i an unau cun an zam caah an khuabawipa sin in motorcycle cu an lak i misual unau pahnih cu chunchun zanzan in tlaih khawh an izuam than ti si.

Cu tic un September 18, zan suimilam 11pm hrawngah Myit nge, Myit laung gate ah an unau pahnih te cun an tlaih khawh i Kyaukse myoma palik nih case an tuah piak tiah theih a si.

Ref: MRN