An Thiam Kho TakTak + Video

Gospel singer Jennifer cu chin/laimi chungah pathian thangtha hla sak thiam lei in kan uar tak tak mi le thazaang kan pek taktak mi hlasa thiam minthang pakhat a si. Gospel singer Biak Tha Sui zong a aw tha I mipi nih a hla kan ngai duh tuk mi a si ve. Cun singer B.Lalthachinsang zong hi lai mi chungah pathain thang that hla sa thiam lei in kan I bochan taktak ve mi hlasa thiam minthang pakhat a si ve. Tu lio an pathum in hla an van in chuah tti mi cu an thiam kho tuk, an hla bia zong a tha kho taktak. A tang ah hin an hla rak nagi ve.

Pathian bia rel chap: Nitin Thlarau Rawl  Bible Cathiang In Pathian Sinah Thazaang La Ti Than Hna U Sih ,Biahmaithi : Sermon ah cun ai rawk sual lai caah Bible ning tein Pathian sinah thazaang la ti hna u sih. Hebru 11 : 6 Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.Jeremiah 29 : 11 – 14 Nan ca i ka tinhmi cu keimah lawnglawng nih ka hngalh, tiah Bawipa nih a ti.

Cucu vanchiatnak si loin hmailei ruahchannak le thluachuahnak caah a si lai. Nan ka hal i ka sinah thla nan cam ahcun nan bia kan ngaihpiak hna lai. Nan ka kawl tikah nan ka hmuh lai; nannih nih nan lung dihlak in nan ka kawl tikah keimah cu nan ka hmuh lai, tiah Bawipa nih a ti. 2Chanrelnak 7 : 14 Ka min in kawhmi ka mi hna nih khan an lung an thumh i thla an cam i ka hmai kha an kawl i an lam thalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.

Johan 3 : 16 Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai. Cathiang a hrawmmi zumtu nan dihlak cungah, “Kan Bawipa Jesuh Khrih Pathian sunparnak Pa nih cun amah hngalhnak dingah fimthiamnak le phuangtu Thlarau cu in pe ko hna seh,” Amen. ( Efesa 1 : 17 ). Dawtmi u le nau hna nan umnak hmun cioah Bawipa Pathian nih damnak le hlawhtlinnak thlachuh in pe ko hna seh. Crd: Johnli Fambawl

Leave a Comment

Leave a Reply

Your email address will not be published. Required fields are marked *