Arakan Liberation Army 5 Cu India Assam Riffle Nih An Meithal He An Tlaih Than Hna

Nizan June 11 ah khan Lawngtlai palek le Assam Riffle te nih Lawngtlai district chung Paletwa ramri ah a um mi Kakichuah khua ah Arakan Liberation Army (ALP) 5 cu meithal he an tlaih. An tlaih mi meithal hi 9MM- 1, .38 revolver – 1, meithal mu 55 le Granade 5 a si. June 12 zing ah Lawngtlai thonginn an phanpi.TCP

Thawng pang dang relchap; Aizawl Inn Cim ah Mi 4 Nun nak A Liam, June 11 zan suimilam 9:30 hrawngah Aizawl, Thuampui vengah Pu Lalbiakzuala te chungkhar umnak inn cu an inn chak lungrual a cim i mi 3 an thi, pakhat an hmuh rih lo.

Pu Lalbiakzuala te chungkhar hi mi 7 an si. An inn cimh lio ah an fapa tlangval pakhat cu inn chungah a umlo caah a chungle dang 6 cu inn nih a cim pi hna.

Pu Lalbiakzuala, kum 75 hi fak tukin a hliam lo, Zairimawii cu a tai tang sau ngai a tap hnuah chanh a si. A hliam hi a fak pah tiah theih a si.

Lalthlamuani, kum 16, Joseph Lalrinhlua, kum 5 le Lalngaihsaka, kum 3 hna cu thi cia in char hna. Laltanpuii, kum 16 cu an kawl June 12 zing 4:40 ah a ruak an hmuh. Inn cimmi tangah a ummi hna cu an chuah hmanh dih tiah theih a si.crd-the chin post.