Tu zan Aung La Nsang sungh cu aho paoh ngaihchia a si ko. Tuzan Aung La a sungah ruangah a mitthli he aa ciahmi, fak pi in au i a tapmi hna an um pinah a thimi zong an um ti si.
Tuzan a thimi hi, Kachin ramkulh, Puta-o khuami tarpa a si. Cu tarpa thihnak kong he pehtlaih in Kawl media ngan pakhat a si ve mi Akonthi media nih a tanglei bantukin a tarlangh.
“Puta-o vanlawng bual No. 3 sang ah U San Naing Sin timi kum 60 leng tarpa pakhat cu Aung La Nsang puai a zoh lio ah Aung Lah a sungh caah a dir i a tlu than i a thi ti si. Cu tarpa cu thi kai zawtnak a ngei ciami a si caah tu bantukin ruahlo piin a thi tiin thawng kan theih” tiah Akonthi nih Kachin News credit pek in a tarlangh hi a si.
Cu tarpa thihnak kong he pehtlaih in pakhat nih cun “A mawh lo, zei a si hmanh ah mah miphun nih tei seh ti cu kan duh ciomi a si. Upa cu chim lo, kanmah mino hmanh nih kan celh ve lo” tiah comment a tial.
Pyae Phyo Aung timi pa nih cun “Tarpa a thi timi hi a ngaingai ti ahcun cohlan khawh a si deuh rih. Kanmah mino hmanh kan ngaih a chia i kan tap cu teh. Kum upa a si cang tikah a lung tur a hman ti lo caah si ko. RIP” tiah comment atial ve.
Tarpa thihnak kong ah an lung thatlonak langhter cio a si i, tar cu a mawh hrimhrim lo, kanmah mino hmanh nih kan celh lo tiah an ngaihchiatpinak an langhter cio hna. Tu tan Aung La Nsang a sungh cu TV khuai na, donhhlei cung in zuang itimhnak, ngungu thlathla in a tap na in an um cio. Mah rammi a si tikah aho paoh nih teinak hmu seh ti kan duhpi lio ah a sung tikah ngaihchiat cio a si.
Tarpa ruak an tahnak video zohnak cu Hi Ka Link Hi hmeh law video zoh khawh a si lai.
https://www.facebook.com/ah.f.lay.7/videos/212086066972790
Video; Ah Fu Lay
Leave a Reply