Covid 19 zawtnak ruangah thla tampi chung puai tuah khawh loin um a si hnuah, tuzan cu a tak in kan hmuh than cang hna. Tuzan cu nan theih cio bantukin Aung La Nsang cu amah a rak ngiar lengmang tu Reinier De Ridder he an i phomh taktak cang.
Reinier De Ridder hi puai kip ah a sung bal lomi Undefeated fighter bak a si ve tikah Champion taisawm pahnih kemhtu Aung La Hmanh nih zengh pah ngai dawh a si. A pumrua zong in Aung La nakin a sang deuh tikah Aung La caah aa har deuh kho.
Cu pinah wrestling lei in a thiam takmi, midang a tei ning hna hi a reh in reh chih phun deuh in a tei hna tikah, Aung La Nih biatak tein aa defend a hau te lai. De Ridder nih Aung La hi a rak ngiar peng i, Aung La he i thua khawh ding in Leandro Ataides a tei hmasa a rak herh i, a rak tei taktak ve.
Cucaah tuzan cu Aung La he ONE Championship kulh chungah kan hmuh tti khawhnak hi a si. Aung La hi Bigdash he a thua ding an si nain Covid-19 zawtnak ruangah voi 3 tiang an thawn. Cu hlan ah Aung La ngiar tawntu De Ridder hi hliamhma a rak hmu i, caan an thawn lengmang kar lak ah a rak dam manh cang i, a tu kan hmuh tii hna.
De Ridder cu MMA dirhmun ah voi 12 aa phomh ve cang i, voikhat hmanh a sung bal lomi undefeated tiah a lar ngaimi pathawng pakhat a si. Tu zan cu, Aung La Nsang he an iphomh taktak ve cang i, Aung La nih a tei ahcun Defeated a si cang lai.
https://www.facebook.com/SmartOnLive29/videos/663955847817230
An poi hi zoh rih ko hna uh sih.
Leave a Reply