A caan a nai thluahmah cang i hi bantuk tete hi zoh pah theih pah ahhin a caan a phan tik in kan zoh dingmi a nuam khun lai caah a video kan van tarpiak hna.
Reinier De Ridder le ONE Championship ah Middleweight le Light Heavyweight Champion taisawm pahnih tlaitu Aung La N Sang cu thaizing cawn ninga, October 30 ni ah an i phomh lai ti cu nan theih cia dih mi a si. Aung La N Sang le bang cu kan Laipa Tial Cung Thang he tutan aa phomh ve dingmi Nguzen he Singapore ah an um cang.
Tutan cu Reinier De Ridder nih Aung La N Sang hi Middleweight Champion taisawm chuh aa zuam lai. Reinier De Ridder nih hin Aung La N Sang he ithua kho ding in Leandro Ataides timi pa panaak pathawng tak mi pa a thua hmasa i a tei. Reinier De Ridder nih Leandro Ataides kha rak tei hlah sehlaw, thaizing Aung La he aa thua kho lai lo. Nain Reinier De Ridder nih Leandro Ataides cu a tei caah atu Aung La N Sang he thaizing an i phomh lai.
Reinier De Ridder cu MMA dirhmun ah voi 12 aa phomh ve cang i, voikhat hmanh a sung bal lomi pathawng a si. Aung La Nsang he an iphomhnak ah zei an lawh lai ti cu hohmanh chimh khawh si rih lo. Aung La Nsang cu MMA ah mi 37 he ai tthua cang mi a si i, voi 10 a sung i voi 26 teinak a hmu. Tutan ah One Championship ah Light Heavyweight Champion taisawmh le Middleweight Champion taisawm a cotu a si.
Atangah Reinier De Ridder nih Leandro Ataides thih deng in a reh chihnak le pathawng dang pawl a tei hnanak video zoh ding tar chih a si i, video chiahmi a lang colh lo suallo ahcun VIDEOD ZOHNAK timi hi hmeh law video na zoh khawh lai.
https://www.facebook.com/ONEChampionship/videos/427446078650338
Video: ONE Championship
Leave a Reply