Nizan Aung La Nsang teitu Reinier De Ridder cu Aung La hmanh nih a tei kho lo tikah Undefeated a sinak cu aa tlaih peng ko. Cu pinah Undefeated a si buin ONE Championship ah Middleweight taisawm tiang a ngah cang. Nizan Ridder nih Aung La a teinak kong he pehtlaih a bia chimmi cu Aung La fans pawl caah huat a tlai ko.
Ridder nih a chimmi cu, “Naule pawl, ra uh, inn lei ka tlung lai i, beer le thil dangdang kan din hna lai, ka thabatnak vialte caah kaa din lai. Kaa lunghmui bik caan caancaankhat a si. Caan saupi harsat ngai in ka rak itimhtuahnak vialte cu a hnubik ah cun a fawi tuk in ka tei ko lo hme maw, hawile hna Aung La cu tei a fawi tuk” tiah Reinier De Ridder nih a chim.
Aung La Nsang zong nih aa ceinat lonak cu a facebook cahmai ah a langhter ve. Tutan Aung La Nsang cu a hawipa Martin Nyunyen he voi voikhat ah an sungh tti i, an taisawm mi kut cung an phanter tikah Kawlram mi hrimhrim cu kan celh cio lo i, a thimi le mah le mah thah aa timhmi tiang an um ve.
Aung La Nsang nih aa cenat lonak a chimh ve mi cu, “Tu zan ah kanmah nih teinak kan hmuh lo hmanh ah, voiding nak tthawng deuh in kan rak kir tthan zau lai. Keimah a ka daw i thazaang a ka petu nan dihlak cungah lunglawmhnak tampi ka ngei” tiah a chim ve.
Nizan puai ONE Championship puai ah Middleweight le Light Heavyweight Champion taisawm pahnih tlaitu Aung La Nsang zumh deuh a si nain, amah singkhawtu De Ridder nih round khatnak minute caan tlawmpal in Aung La cu a hngawng in a reh chih i cawlcang khawh loin a tuah ko. Aung La Nsang cu a celh ti lo in a sungkhan caah a Middleweight Taisawm cu De Ridder kut ah a phanter kha a si.
A tangah Aung La Middleweight taisawm chuhtu De Ridder biachimhnak video tar chih a si.
https://www.facebook.com/102281718190194/videos/392089475493172/
Video: Chin Knowledge Media
Leave a Reply