By- Sang Hre: Suu Gyi cu campaign hmanh tuah kho huaha loin a ram mi hna mipi vote cu a hui dih ti khawh tluk a si. A thut hmun in silo Facebook le online cung campaign tuahnak bak in teinak a hmuh khawh ko.
Donald Trump cu a ti ti awk tha loin a zual cuahmah mi – a ram mi nih tem cuahmah mi COVID-19 zong ai donh ter lo. A biapi tiah a ruah deuh mi hmun hma hna ahcun campaign tuah khawh chung tuah ai zuam ko. A campaign zongah ai lam sek len ko nain a sung huar.
Minung kan sinak ah Aung San Suu Gyi le Donald Trump an nun zoh hin a kan cawnpiak mi a tam ngai ngai. Kan i lak ning cio tu ai dang cio hna lai i a si ko.
Thawngpang dang rel chap: Hakha khuathar um Chan Chawn Hnin (kum17) a cycle cu nihin December 6 , 2020 zanlei 3:30pm ah ruahlo piin aa citnak ah a kang. A kanghnak hmun hi Chin ramkulh Cozah zung pawng Bank zung hmai , Hakha chin Oo Sii ah a si.
December 5, 2020 Khuathar ah ka remh hnu nihin hi tiin a can hi a si. Cycle License a ngeimi a si. Datsii hri lei in a kangh hmasa i ka hmitlen nain a ngahlo, ka nu le pa ka pehtlaih cuahmah lio ah Meithattu pawl nih an van ka chuah hnawh colh hi a si tiah cycle ngeitu Chan Chawn Hnin nih TCP ah a chim.
Cycle kangh uhnak ruangah aa khongdenmi an um lo. Zei ruang set dah a kangh ti an hlat cuahmah lio a si. Crd- TCP
Leave a Reply