Australia ah Students visa in a ummi Chinmi 60-100 leng cu 3 months hlan ah Kawlram lei kir than an hau ko lai.

Australia ah Students visa in a ummi Chinmi 60-100 leng cu 3 months hlan ah Kawlram lei kir than an hau ko lai. A tangmi hman hi Australia a um mi an uanu hna nih an bomhchan ko lai lo ahcun kir dih ding dirhmun zong a vun si te ko lai.

Chin miphun cu kawlram in nu le pa nih an hman ding tiin phaisa khuat kho ding dirhmun kan si lo caah, School Fees pek ding an ngeih lai lo.  A ruangcu Australia ah rian tuan pah in School Fees a pek mi lawng te an si. Australia Cozah nih 65% cu rian Lockdown an tuah cang caah Citizen le PR hman rian lo in 45% cu an um cang. Cu Lio ah Students pawl 20hr lawng zarkhat ah rian tuan a ngah mi caah cun rian a um hrim hrim ti lai lo. Cucaah School Fees pek lo ahcun Visa Cancel piak ding hi 90% cu aa fiang.

Chinmi nih an kai khomi Sianginn hi Government Sianginn a si lo tikah, Covid-19 ruangah Sianginn khar ti a um lai lo, Sianginn an khar ahcun Migration nih visa in a um mi International Students vialte cu Phun ning lo in Australia ram chungah thla khat hman um nak nawl a pek lo. Cucaah Students vialte nih Sianginn kai in ,School Fees pek lawng lawng ah Australia ram ah um nak nawl an ngeih.

Nihin Australia PR a si cangmi Chinmi hman rian an ngeih ti lo caah centre link in a um mi an tlawm ti lo. Students chinchin rian va tuan ding cu chimh hla, rian va kawl ding hman a ngah lo. Cucaah an sining zoh tikah lungre theih ngai ngai a si ko.