Chin Miphun cu sining aa hngalh lo miphun kan si tiah kan pa lei fim pawl an bia an caa ah kan hmuh kan rel kan theih tawn mi kha nihin Australia um Chin miphun chung zongah hmuh kho, tawn kho asi ti in student upa lungfim pakhat asi ve mi nih achim. Australia Chin Refugee Cheukhat pawl an bia hal hi Student cheukhat nih cun a fak ngai in an leh ve cang.
Australia Chin Refugee nih Chin International Students pawl he sifak le santlai lo phun in hmuh le ruah asi caah itawn tikah an hal le an bia chawnh cu Student Visa maw na si tiah hal le chon hi tawn hna. Student Visa maw na si vun ti ahhin atling lo ngai mi bia halhnak asi caah vun leh ti zong ah itheih sual nak atam ngai. Aruang cu Australia Chin Refugee pawl nih Chin international Students pawl hi sifak le santlai lo phun in hmuh le ruah asi caah Chin International Students cheukhat nih cun a tling lo mi bia halhnak cu a tling mi bia leh nak in an leh ve caah I theih sual nak tete aum.
Cucu Student Visa maw na si tiah an vun ti ahcun ka si lo Pa Ling or Pa Bawi, Sung Sung or Hla Hla ka si tiah an chimh ve tikah I theih thiam lonak tete aum hi asi. Aruang cu Students Visa maw na si tiin bia hal kha asi. Bia halhnak an tuah mi bia halhnak nih a tling lo pinah a tuahtu thinlung zong atling lo caah asi. International Students pawl hi umnak inn a ngei loh mi le ei le ding a ngei loh mi phun in an humh caah Student Visa maw na si tiin an bia hal nak kha theih thiam pah ko mi asi zongah a tling lo mi lungthin le atling lo mi bia halhnak ah hmuh piak ve asi tikah atling tein an leh mi khi asi.
International Students pawl hi taktak ahcun B.A le B.sc Degree aa ngeih mi lawng te an si ko. 100 chungah 90% cu kawlram ah tha tein sianginn a kai mi ansi pinah rian ngeih le rian tuan mi an tam pi ve. Mirang holh zong an thiam I cawnnak a ngeih mi le rian tha tein atuan mi an tam pi ko kawlram keimah aa timhmi an tam pi ve ko cucaah hi bantuk hmuh ning le zoh ning hi an ruah tikah mino deuh nih cun an lung afak ve caan tampi aum hi asi. Hihi nihin kan tawn mi thil asi.
Australia Chin Refugee pawl hi taktak ahcun kawlram ah sianginn kai lo, Degree ngeih lo, fimnak le cawnnak ngeih lo pawl deuh an asi ko, 100 chungah 20% lawng hi siaginn kai le degree ngeih mi an si. Kawlram ah ruah chan nak ngeih lo hnu ah India le Malaysia a kal mi an si. Nain Australia an phan hnu ahcun an bia key asang an min hman tha tein aa tial thiam lo mi nih zeipoah ka theih dih , ka hngalh dih aa ti ve. Kawlram le an duh paoh in nawl an pek , Online Facebook chungah caa tlang khat hni te an rel ve I Kawlram Politics ee, Religious tiin an au an khuang ve. Chin Ministry pawl khi an duh paoh in an phawmh ngam ve atuan hman an tuan kho lai lo ding mi Ministry rian atuantu pawl khi.
Students pawl nih Mirang sinah rian kan tuan tikah One hour 22-26 karlak kan humh kho, one day ahcun 170 Dollar hmuh kho asi. Cun Tax le Superannuation zong cozah sinah chiah piak kan si. Hi tax le Superannuation hi kum dong Financial years ah lak than kho asi I, a tlawm bik ah 5000 -10000 cu lak than ko asi Students caah cun.
Nain Chin Miphun rian angeih mi tete sinah vun tuan ahcun one hour 11-12 Dollar hrawng lawng pek asi. Aruangcu Students kan si caah rian an I hmuh kho lai lo ti phun khi atam deuh nih cun hmuh an si, One day 100 dollar lawng pek asi i cheukhat chinchin cu 80 Dollar lawng pek an tawn. Tax le Superannuation zong cozah sinah chiah piak asi lo cucaah lak ding zong pakhat hman kan ngeih lai lo. Mifim deuh lei Upa lungfim deu nih cun Students pawl cungah theih thiam le ruah thiam ngai ngai an si ko.
Leave a Reply