Australia ram ah a ummi Chin miphun nih kan sungsak ngaimi Chin New Year Le Chin National Day tuahnak caah Australia cozah nih phaisa tamtak an bawmh tiah theih a si.
Cu bawmhnak kong he pehtlaihin Chin miphun caah biatak tein Australia cozah he rian a tuantimi Renny Ceu L. Mang nih a tanglei bantukin a facebook cakuang ah a tarlangh hi a si.
Renny Ceu L. Mang nih a tialmi cu; “Australia Cozah Nih Chin New Year Le Chin National Day Tuah Nak Ding Caah An Kan Bomh .
Chin miphun akan daw tu le a kan bomchan tu Senator Dean Smith nih inzaan Chin New Year tuah nak ah Chin New Year, Chin National Day le Sports Carnival tuah nak ah Aus $22000.00 cu Prime Minister Scott Morrison Australia Cozah Commonwealth sin in kan in bawmh hna lai tiah mipi sin ah a chim.
Chin New Year tuah nak ah Cozah lei upa hna, Kawl upa pawl le Tlang cung miphun kan hawi le pawl nih tlamtling tein an kan tel pi.
Chin New Year tuah nak ah a kan tel pi tu nan zaapi te cung ah siseh tlamtling tein kan tuah khawh nak ding ah tuanvo la tu nan dihlak cung ah lunglawmhnak chimcawklo kan ngei.
Covid-19 zawt nak lio caan ah hi bantuk in caan tha a kan pe tu Bawipa min thangthat si ko seh” tiah a tial hi asi.
Ram dangdang ahcun tu lio pulrai zawtnak ruangah puai hmanh tha thi tuah khawh lo ding dirhmun in an um lio ah Australia ram um kan Chin miphun hna cu puai tuah khawhnak nawl an ngeih pinah cozah lei nih puai tuahnak bawmhnak an pek rih mi cu lung lawmh ngai a si pinah Chin miphun caah thawngpang tha taktak a si. Pathian nih an puai tlamtlinter hram seh.
Credit: Renny Ceu L. Mang
Leave a Reply