Myanmar Idol Season 4 ah runner up tiang a phan ve mi hlasak thiam Aye Mya Phyu tlangval pa pholangh piak a si cang. Hlasak thiam Aye Mya Phyu tlangval cu Kawlram minthang Cele pawl an hmanthlak he an si ning a phuan tawntu Han Nyein Oo nih a pholangh hi a si.
Han Nyein Oo cu Kawlram minthang pawl an darling, an thlithup pawl a pholangh tawntu a si i nihin ah Myanmar Idol Season 4 hlasak zuamnak in runner up tiang a phan i Laimi zong nih kan theih i kan uar ngai ve mi hlasak thiam Aye Mya Phyu kong a pholangh ve hi a si.
Aye Mya Phyu tlangval ngeih kong he pehtlaih Han Nyein Oo nih an hmanthlak he a tarlanhmi cu a tanglei bantukin a tial hi a si.
“Aye Mya Phyu tlangval cu hi pa hi a si. Hmuh kan duh nan ti cio caah kan hmuhter hna bia a si. An i duh ko tiah 100% a fiangmi a si. Mipa (atlangval) nih cun kan ngakchia tein aa kommi kan si a ti. Atu cu aa duhmi an si nain aa duhmi bantuk um loin hawikom bantukin kan um cang lai an ti tiah theih a si.”
A cunglei bantukin Han Nyein Oo nih an kong a tial hi a si. Za ah za aa duhmi an si a ti nain hawikom bantukin kan um lai an ti tiah a tial hi a si. Zei a si hmanh ah an hmanthlak tete zohnak ah aa duhmi an lo tak ko hna.
Han Nyein Oo nih Aye Mya Phyu tlangval a timi cu Bookie timi le Min Khantphone timi facebook account pahnih ngeitu a si. Hi facebook account ah ca a post mi tete zong nih an i duh ko rua timi a langhter ngai ve.
Source: Han Nyein Oo
Leave a Reply