Barcelona FC President Bartomeu Nih Messi A Zuar Tak Ko Ahcun Thong Thlak Khawh A Si

Barcelona FC president Josep Maria Bartomeu nih Lionel Messi a zuar tak ko ahcun thong thlak khawh a si tiah theih a si. Nou Camp ah aa nuam ti lomi Messi cu Barcelona Football Clab in chuahnak nawl a hal hna hnu ah Barcelona players pawl nih training an tuahnak ah aa tel ti lo pinah a thawngpang zong a theihter ti hna lo tiah theih a si.

Barcelona FC Team leader zong a si i an i bochanbikmi Messi nih Barcelona a chuak tak nak hnga lo Barcelona zong nih biatak tein aa zuam ve ti si. Messi a auh duhmi nih cun Euro 700 million nan pek lai tiah ahohmanh cawk khawh lo ding in ralring a pek hna tiah Duwun nih a tarlangh.

Nain Spain Journalist Guillem Balague nih cun Bartomeu nih Messi a zuar tak ko ahcun thong hmanh thlak khawh a si tiah a ruahdamnak a chim. Bartomeu thong thlak khawhnak ruang cu a tanglei bantukin phun hnih in a langhter.

A pakhatnak ah Bartomeo nih Barcelona FC manager thar Ronald Koeman rian a khinh lio ah hin Koeman nih Barcelona ah Messi a um rih ko lai maw timi biahalnak a tuah i Bartomeu nih a um ko lai tiin a let tiah Guillem nih a phuan i a thaizing ah Messi hrintu a pa nih a fapa Messi cu Nou Camp in chuak a duh cang tiah Bartomeu sinah a chim than tiah theih a si.

An thawngpang dang pakhat cu Bartomeu nih Messi a zuar tak ko ahcun Barcelona FC presdint thar a tuan ding mi le football Season pakhat chung caah ticket a cawk cangmi hna nih nan ngeihmi nan kan hleng an tiin sual an put lai i taza an cuai kho tiah a chim.

Cu ti a si tikah Bartomeu cu dantatnak ngan pek khawh le thong thlak khawh a si tiah Journalist Guillem nih a chim. Atu hi Bartomeu cu biachahnak tampi aa palh tiah Barcelona fan pawl nih sual an puh i a cungah an thinhung ti si.

Barcelonak FC an tlaknak ruang bik cu player thar cawknak le tawrel zia thiam deuh lo ruangah a si tiah an ruah cio i, Barcelonan nih Messi chuahter lo lawngah a palhnak vialte a khuh than dih khawh lai tiah ruah a si cang.

Ref: DW