Bawmhnak Phaisa A Va Hlam Nain Khuabawipa Nih Hmarun Tu An Pek

Social media a chuak i vawlei cung thawngpang tha he thawngpang chia he nitin theih a si cang. Kawlram chung zong ah ikhonden sualnak le ithahnak I velhnak mithil firpiak le damiah taih tibantuk thawng a dai kho ve ti lo

Tutan zong mica riantuanmi nih a milesa a simi an velhnak thawngpang a len than. Cucu nai September 19, 2020 ni ah a cangmi  a si i, an khuabawipa sin bawmhnak phaisa Kyat 20000 a va halmi pa cu an khuabawipa le a phu pawl nih an vuak tiah theih a si.

Cu thil cang cu Mandalay khualipi, Pyigyi Takhon pengkulh, Lahci sang khuabawi zungah bawmhnak phaisa a va halmi pa cu khua riantuan ve mi U Maung Ngwe timi pa le a min theih lomi pakhat nih an sangkhat a si mi Ko Thet Naing Soe cu a hnulei in an tuk tiah theih a si.

Cu  kong  he pehtlaih in tuanvo ngeitu nih U Maung Ngwe sin phone in  an chawnhbiak tikah amah nih ka velhmi a si koo tiah a phuan ti si. Velh a tongmi Ko Thet Naing Soe cu an velhnak ah a lu a kuai i Wai Zayanta Rescue phu nih an motor in siizung ah tlikpi i, a hma an thlawppiak tiah theih a si.

Hi ivelhnak kongah zeiruang bik ah an velh timi source nih a langhter chihmi  a um lo. Tu lio cu Covid-19 boruak ruangah riantuan  kho lo le rian har ruangah cozah lei nih theihthiamnak an ngei i bawmhnak tete an pek hna.  Tu tan velh a tongmi Ko Thet Naing Soe zong hi cu bantuk bawmhnak a va hal hnanak ah an velhmi si dawh a si.

Crd: Lawka Chanthar