MMID Season-4 runner up Benjamin Sum cu nikhat hnu nikhat in a hung lar chinchin. Tu kum chungah kan theih tawk in kan chim ahcun a hla thar fung khat a chuak cang lai.
Kawlram minthang hlasakthiam Phyu Phyu Kyaw Thein he an Cover mi Can’t Help Falling In Live With You timi hla zong a lar bak ve. Benjamin Sum nih tu kum chung i a hla thar MV a chuak mi cu Pyan Twae Mae Yat timi hla a si i a luancia thla hnih ahkhan a chuak cang.
Tutan a chuak dingmi hla thar cu “Hobak Eainka Kaungmalay timi hla a si i nihin ah a Teaser zong a chuak cang. Hi hla thar ahhin Model Mintami Naw Phaw Eh Htar hi lemcang an tuan i nihin cu an pahnih facebook cahmai ah Teaser in hmuh khawh a si.
A pahnih in Teaser an tar hnu suimilam pakhat chung te hmanh ah a zohtu 72K veve an si i suimilam pakhat chungah minung 140000 leng nih an zoh hmanh ti nak a si. Nan zoh ve khawhnak hnga a tang bik ah a video kan tarpiak chih ve hna.
Nihin Teaser an tarmi tang ah minung tampi nih an i remnak le an chuak lai le a video zoh an i ngaihnak comment tampi an tial pinah micheu nih Benjamin thazaang peknak an tial cio ve.
Kan Laimi chung in hi bantuk in hlasakthiam milar kan ngeihmi hi Pathian thluachuah a si i kanmah Chin miphun zong nih thazaang pe chinchin hna u sih. A tangah a video zoh ding tar chih a si.
Source: Benjamin Sum
Leave a Reply