MMID Season-4 runner up Benjamin Sum cu nikhat hnu nikhat in a hung lar chinchin nugak pawl thinlung ah a cam ngai cang. Kan theih tawk in kan chim ahcun tu kum chungah music video hla thar fung khat a chuak cang i nihin hi a fung hnihnak a si.
Kawlram minthang hlasakthiam Phyu Phyu Kyaw Thein he Cover song an sakmi “Can’t Help Falling In Live With You” timi hla ah a lar khun. Tu kum chung i MV a chuak mi cu Pyan Twae Mae Yat timi hla a si i a luancia thla hnih ahkhan a chuak cang.
Nihin mipi hmuh in a tarmi cu “Hobak Eainka Kaungmalay” timi hla a si i nai i Teaser tarmi zong a lar tuk cang. Nihin a hla thar cu Model Mintami Naw Phaw Eh Htar he lemcang an tuanti i an itlak khun caah zoh an cim lo.
Nai i Teaser an tarmi hman suimilam pakhat chung te hmanh ah a zohtu minung 140,000 leng nih an zoh hmanh hna. Nihin cu a hla tling tein a si cang i tlawmpal ah a zohtu an tam tuk than te lai. Hi hla a phuahtu cu Zawar a si i Director ah Snow Miley a si.
Kan Laimi chung in hi bantuk in hlasakthiam milar kan ngeihmi hi Pathian thluachuah a si i kanmah Chin mi nih thazaang pe chinchin hna u sih. A tangah a video zoh ding tar chih a si.
Source: Benjamin Sum
Leave a Reply