Biakinn An Serhsat Ruangah Na Khuaruahhar Hlah!

Cucaah Jerusalem biakinn sui hrai han le ngun hrai hna kha an va lak hna i siangpahrang le a bawi hna, a nupi hna le a hlasatu nu hna nih cun zu dinnak ah an hman hna” (Daniel 5:3) Babilon siangpahrang Belshazar nih, a nupi hna le a tlangchuak hna he, Jerusalem Temple sui hrai le ngun hrai hna kha zu dinnak le an pathian biaknak ah a rak hman hna.

A nungmi Jehovah hrai thiang hna kha milem biaknak ah a rak hman hna. Pathian kha cuticun a rak serhsat. Cu ruangah cun siangpahrang Belshazar ai nuamh tuk lioah Pathian thinhunnak le biaceihnak cu vampang ah “Mene mene tekel upharsin” (5:25) tiah Pathian nih a tial. A sullam cu ‘na pennak a dong cang, na cuai a tling ti lo, na pennak cu cheu a si cang’ (5:26-28) ti khi a si ko.

Belshazar nih Jehovah Pathian thilri kha milem thilri bantuk sawhsawh a ruah, Israel miphun nehsawhnak le thlanglamhnak ah a hman. Nain Pathian nih bia a ceih, a pennak ni a relpiak. A donghter. Tuchun zongah siasal biami hna nih kan Pathian biakinn kha an serhsat ko lai. Kan miphun nehsawhnak le thlanglamhnak ah an hman lai, an dehdai ko lai. Vancung in Jehovah Pathian nih a zoh ko hna, fiang tein an tuahmi kha a hmuh ko.

Amah an serhsat kha a hmuh ko. Bawipa nih ‘Mene mene tekel upharsin” tiah a tial cang men lai. Bawipa hrimhrim nih teirulchamnak asiloah phuhlamnak cu keimah rian a si tiah a ti. An pennak ni a relpiaktu hna cu Pathian a si. Na khuaruah a har tuk maw? Na ngaihchia tuk maw? Na thinhung tuk maw? Na khuaruahhar hlah, na ngaihchia hlah, na Pathian sinah thlacam ko, a nung taktak mi Pathian a si kha philh hlah.

An tuahmi khi zei a si ti an hngal lo. Thlacam tuah. Pathian cu mui lakah mission rian a tuanmi a si. “Bawipa Jesuh, ra ko cang” (Bia 22:20). Request: Tukhal Cazual hi LIKE rak pe ve. Thomas L. Than Kep,crd-tukhal casual.

Ca dang relchap; By-salai lungthli tum,, Myanmar phaisa thonghra ca a ttuh kong ah tulio buai ngai cio a si, theihnak a tlawm ruang ah a sit zong kha a ttuh tiah a ruat i khirh a hmangmi zong kan um hna. Cucaah, aho poah nih a sit le a ttuh kan thleidan khawh a herh ngai cang.

Ralkap nih uknak an lak hnu in an chuah tharmi thonghra ca tlap thar pawl hi a hlun thonghra tlap he an colour an i lo tuk ti lo. A thar cu a ran(white) ning a pin deuh. A tanglei ah 10000 tiah an tialmi cafang zong tam ngai in a hme deuh. Nain, hiti ai dan ruang ah a thar hi a ttuh a si tinak a si lo, a hlun he an riantuan khawhnak an i lo ko.

A sit le a ttuh theih khawhnak ding caah a herh bikmi phun 3 ka vun langhter. Mah phun thum lakah phun 2 na zoh ahcun fiang tein phaisa sit le ttuh na thleidan khawh cang lai.

Leave a Reply

Your email address will not be published.