Kan hnu August 30 ni cu Berkshire Hathaway company CEO billionaire Warren Buffet kum 90 tlinnak chuak ni a si. Warren chuak ni ah a hawikom tha vawlei cung minthang billionaire Bill Gates nih Birthday laksawng pakhat a pek ve.
Cu laksawng cu an pahnih kar an i hawikomhnak a fehtertu laksawng pakhat a si caah Warren cu Bill Gates laksawng ruangah aa nuam khun tiah People News agency nih a tarlangh.
Cu birthday laksawng cu Bill Gates pumpak nih a tuahmi Cake pakhat a si. Birthday Cake tiin a sawhsawh ruah ding a si lo. Mah le hawikom Birthday ah Birthday Cake pek duh ahcun Cake dawr ah order in cawk tawn a si. Tu bantukin mah pumpak bak nih tuahmi an pe bal then lo.
Bill Gates nih cun Warren birthday laksawng caah amah pumpak bak nih a tuahmi a si a tangah a video tar chih a si. Cu birthday cake cu Chocolate le Vanilla in tuahmi a si i Oreo in a thuam dih than. Aa phun dang khunmi pakhat cu Birthday Cake cungah Warren hmanthlak pakhat cu Bill Gates bak in a suaimi a si tiah Shwemom nih a tarlangh.
“Keimah le Warren kar ah philh khawh lo dingmi tampi a um. Amah cu ka hawikom thabik pakhat a si ka ti ahcun ka palh lai lo. Harnak kan ton caan ah pakhat le pakhat thazaang kan i pek i kar kan hlanti caan a tam pi. Atu cu Warren zong kum 90 a si cang. Happy Birthday Warren. Hi hnu kum tampi ngandamnak he kan nunpi rih ko tiaah thlaza kan cam piak’ tiah Bill Gates nih a chim.
Video zohnak;
Ref: SM
Leave a Reply